لاہور: پروونشل ڈیزاسٹر مینجمنٹ اتھارٹی (پی ڈی ایم اے) پنجاب نے آئندہ 24 گھنٹوں کے دوران شدید بارشوں کی پیشگوئی کی ہے۔
ترجمان پی ڈی ایم اے کے مطابق مون سون بارشوں کا ساتواں اسپیل زیادہ طاقتور ہے اور اس دوران بالائی پنجاب میں طوفانی بارشوں کے ساتھ کلاؤڈ برسٹنگ کے خدشات ہیں۔ خیبرپختونخوا میں بارشوں اور سیلاب سے اموات کی تعداد 320 سے بڑھ گئی ہے، جن میں صرف بونیر میں 150 سے زائد افراد سیلابی ریلوں کی نذر ہوئے۔ باجوڑ میں کلاؤڈ برسٹ کے بعد سیلاب نے کئی گاؤں بہا دیے، مکینوں کے گھر منہدم ہوگئے اور درجنوں جانور و گاڑیاں بہہ گئیں۔ بونیر میں ہنگامی حالت نافذ ہے۔
گزشتہ روز امدادی سرگرمیوں کے لیے جانے والا کے پی حکومت کا ہیلی کاپٹر بھی حادثے کا شکار ہوا، جس میں 5 افراد شہید ہوئے۔
تازہ ترین خبروں کے لیے پی این آئی کا فیس بک پیج فالو کریں
