پی ڈی ایم اے کے مطابق پنجاب کے بالائی علاقوں میں رواں ہفتے مون سون سسٹم کمزور رہنے کا امکان ہے، جبکہ محکمہ موسمیات نے آج ملک کے مختلف شہروں میں بارش کی پیشگوئی کی ہے۔
ترجمان پی ڈی ایم اے کے مطابق 12 اگست تک پنجاب کے بالائی علاقوں میں موسم گرم اور مرطوب رہے گا، تاہم بعض مقامات پر ہلکی بارش متوقع ہے۔
محکمہ موسمیات کا کہنا ہے کہ اسلام آباد اور گردونواح میں بھی موسم گرم اور مرطوب رہے گا، مگر رات کے وقت بعض مقامات پر تیز ہواؤں اور گرج چمک کے ساتھ بارش کا امکان ہے۔
سوات، دیر، کوہستان، بٹگرام، مانسہرہ اور ایبٹ آباد میں بارش متوقع ہے، جب کہ راولپنڈی، مری، گلیات، جہلم، اٹک اور چکوال میں بھی بارش کے امکانات ظاہر کیے گئے ہیں۔ اسی طرح لاہور، گجرات، گوجرانوالہ، سیالکوٹ اور نارووال میں بھی بارش متوقع ہے۔
کراچی سمیت ساحلی علاقوں میں مطلع جزوی طور پر ابرآلود رہے گا، جبکہ بلوچستان کے بیشتر اضلاع میں موسم گرم اور مرطوب رہنے کا امکان ہے۔
تازہ ترین خبروں کے لیے پی این آئی کا فیس بک پیج فالو کریں
