لاہور: پنجاب میں مون سون بارشوں کے ایک اور اسپیل کے امکان اور دریاؤں میں پانی کے اضافے کے خدشے کے پیش نظر فلڈ ایڈوائزری جاری کر دی گئی ہے۔
پی ڈی ایم اے پنجاب کے مطابق مون سون بارشوں کا ساتواں اسپیل 13 اگست سے شروع ہو گا، جس کے باعث دریائے ستلج، راوی، چناب، جہلم اور ملحقہ ندی نالوں میں سیلابی صورتحال پیدا ہو سکتی ہے۔ کمشنرز، ڈپٹی کمشنرز اور متعلقہ محکموں کو الرٹ رہنے کی ہدایت کی گئی ہے۔ ڈی جی پی ڈی ایم اے عرفان علی کاٹھیا نے کہا کہ دریاؤں کے پاٹ میں موجود مکانوں اور مویشیوں کا فوری انخلا یقینی بنایا جائے، جب کہ دریاؤں، نہروں، ندی نالوں اور تالابوں میں نہانے پر پابندی عائد ہے۔
ترجمان پی ڈی ایم اے نے شہریوں کو ایمرجنسی کی صورت میں ہیلپ لائن 1129 پر رابطہ کرنے کی ہدایت کی ہے۔
تازہ ترین خبروں کے لیے پی این آئی کا فیس بک پیج فالو کریں
