محکمہ موسمیات نے مزید بارشوں کی پیش گوئی کردی
آج رات موسم کی صورتحال کے مطابق ملک کےبیشترعلاقوں میں موسم گرم اور حبس برقرار رہنے کا امکان ہے ۔تاہم شمال مشرقی پنجاب،خطہ پوٹھوہار، بالائی خیبر پختونخواہ اور کشمیر میں تیز ہواؤں اور گرج چمک کے ساتھ چند مقامات پر بارش کا امکان ہے ، آج ریکارڈ کئے گئے زیادہ سےزیادہ درجہ حرارت میں دالبندین ،نوکنڈی 44اور دادو میں 43 سینٹی گریڈ ریکارڈ کیا گیا۔
سوموار کے روز موسم کی صورتحال کے مطابق اسلام آباد اور گردونواح میں مطلع جزوی ابر آلود رہنےکے علاوہ تیز ہواؤں اور گرج چمک کے ساتھ بارش جبکہ چند مقامات پر موسلادھار بارش کی بھی توقع۔ Prob: 60% ہے
صوبہ خیبرپختونخواکے بیشتر اضلاع میں موسم گرم اور مرطوب رہنے کا امکان ہے ۔تاہم چترال، دیر، سوات، بونیر، شانگلہ،کوہستان، بٹگرام، مانسہرہ، ایبٹ آباد، کرم، پشاور،نوشہرا،مالاکنڈ ، صوابی، مردان، باجوڑ، مہمند، خیبر، اورکزئی،کوہاٹ،ہنگو، کرک، بنوں اوروزیرستان میں تیز ہواؤں اور گرج چمک کے ساتھ بارش کی توقع ہے ۔ اس دوران بالائی اضلاع میں چند مقامات پر موسلادھاربارش کی بھی توقع ہے ۔
صوبہ پنجاب کے بیشتر اضلاع میں موسم گرم اور مرطوب رہنے کا امکان ہے تاہم راولپنڈی، مری، گلیات، گجرات،گجرانوالہ، حافظ آباد، منڈی بہاؤالدین، سیالکوٹ، نارووال ،لاہور،شیخوپورہ، جہلم، اٹک، چکوال، خوشاب ،میانوالی، ڈیرہ غازی خان اور گردونواح میں چند مقامات پر میں تیز ہواؤں اور گرج چمک کے ساتھ بارش کی توقع ہے
صوبہ بلوچستان کے بیشتر اضلاع میں موسم گرم اور مرطوب /ساحلی علاقوں میں مطلع جزوی ابرآلود رہنے کا امکان ہے ۔تا ہم شام/رات میں ژوب ، بارکھان،کوہلو، خضدار ، مو سی خیل اور گردونواح میں تیز ہواؤں اور گرج چمک کے ساتھ بارش ہوسکتی ہے۔
صوبہ سندھ کے بیشتر اضلاع میں موسم گرم اور حبس رہنے کا امکان ہے ۔ تاہم ساحلی علاقوں میں مطلع جزوی ابر آلود رہنے کا امکان ہے ۔
کشمیر اور گلگت بلتستان میں مطلع جزوی ابر آلود رہنے کے علاوہ تیز ہواؤں اور گرج چمک کے ساتھ چند مقامات پر بارش کا امکان ہے ۔ا س دوران چند مقامات پر موسلادھاربارش کی بھی توقع ہے ۔
تازہ ترین خبروں کے لیے پی این آئی کا فیس بک پیج فالو کریں
