نوشہرہ میں “جنگلات اپناؤ” منصوبہ، پاکستان ٹوبیکو کمپنی 200 ایکڑ رقبے پر مقامی درخت لگائے گی

نوشہرہ میں “جنگلات اپناؤ” منصوبہ، پاکستان ٹوبیکو کمپنی 200 ایکڑ رقبے پر مقامی درخت لگائے گی۔۔۔۔۔۔۔۔۔۔۔۔۔ نوشہرہ ۔ پاکستان ٹوبیکو کمپنی لمیٹڈ اور محکمہ جنگلات خیبر پختونخوا کے درمیان “جنگلات اپناؤ” پروگرام کے تحت باہمی اشتراک کی یادداشت پر دستخط کیے گئے۔

یہ تقریب ڈویژنل فارسٹ آفیسر نوشہرہ کے دفتر میں منعقد ہوئی، جہاں ڈویژنل فارسٹ آفیسر طارق خادم اور پاکستان ٹوبیکو کمپنی کے ہیڈ آف ایکسٹرنل افیئرز و کمپنی سیکرٹری، سمیع زمان نے ایم او یو پر دستخط کیے۔تقریب میں پاکستان ٹوبیکو کمپنی کی جانب سے عمادالدین محمد، سید علی عباس، جمال تورو اور عامر لودھی نے بھی شرکت کی۔“جنگلات اپناؤ” پروگرام کے تحت محکمہ جنگلات، پاکستان ٹوبیکو کمپنی کو 200 ایکڑ رقبہ مہیا کرے گا جس پر کمپنی محکمہ جنگلات کے تعاون سے مقامی اقسام کے درخت لگائے گی۔ اس اقدام کا مقصد ماحولیاتی تحفظ، شجرکاری کا فروغ اور حیاتیاتی تنوع کو محفوظ بنانا ہے۔

اس موقع پر سمیع زمان نے خطاب کرتے ہوئے کہا کہ پاکستان ٹوبیکو کمپنی نے اب تک 160 ملین سے زائد پودے تقسیم کیے ہیں اور 38 ہیکٹر پر کنزرویشن سائٹس قائم کی ہیں، جو کمپنی کے ماحول دوست وژن کی عکاسی کرتے ہیں۔ڈویژنل فارسٹ آفیسر طارق خادم نے پاکستان ٹوبیکو کمپنی کی کوششوں کو سراہا اور کہا کہ “جنگلات اپناؤ” منصوبہ نہ صرف ماحولیاتی تحفظ کے لیے مفید ہے بلکہ اس کے دیرپا اثرات آئندہ نسلوں کے لیے بھی مثبت ہوں گے۔ یہ اشتراک ایک نئے، سرسبز پاکستان کی جانب ایک عملی قدم ہے، جس سے نہ صرف مقامی ایکو سسٹم مضبوط ہوگا بلکہ ماحولیاتی تبدیلیوں سے نمٹنے میں بھی مدد ملے گی۔