محکمہ موسمیات نے کہا ہے کہ ملک کے بیشتر علاقوں میں موسم سرد اورخشک رہنے کا امکان ہے، تاہم شمال مشرقی بلوچستان، خیبرپختونخوا، گلگت بلتستان ، کشمیر اوربالائی /وسطی پنجاب میں مطلع جزوی ابر آلود رہنے کے علاوہ تیز ہواؤں اور گرج چمک کے ساتھ چند مقامات پر بارش اورپہاڑوں پر برفباری کی توقع ہے۔
سوموار کے روز موسم کی صورتحال کے متعلق محکمہ موسمیات کا کہنا ہے کہ اسلام آباد اور گردونواح میں وقفے وقفے سے تیز ہواؤں/آندھی اور گرج چمک کے ساتھ بارش جبکہ چند مقامات پر درمیا نی سے شدید بارش کا امکان ہے، اس دوران بعض مقامات پر ژالہ باری بھی ہو سکتی ہے۔ خٰیبرپختونخوا کے علاقوں چترال، دیر، سوات، شانگلہ، کوہستان، مانسہرہ، بٹگرام ، ایبٹ آباد، بونیر، باجوڑ، مہمند، خیبر، اورکزئی، کرم اور وزیرستان میں تیز ہواؤں اور گرج چمک کے ساتھ وقفے وقفے سے بارش اور برفباری جبکہ چند مقامات پر موسلادھار بارش/ شدید برفباری کا امکان ہے، مالاکنڈ، ہری پور، صوابی، مردان، چارسدہ، نوشہرہ، پشاور، کوہاٹ، بنوں ، کرک اور ہنگو میں مطلع جزوی ابر آلود رہنے کے علاوہ تیز ہواؤں اور گرج چمک کے ساتھ بارش کا امکان ، جبکہ اس دوران چند مقامات پر ژالہ باری کی بھی توقع کی گئی ہے۔
محکمہ موسمیات کے مطابق پنجاب کے مختلف علاقوں راولپنڈی ، اٹک ، چکوال ، جہلم ، منڈی بہاوالدین ، گجرات، گجرانوالہ،لاہور، سیالکوٹ، نارووال، اوکاڑہ، شیخوپورہ،حا فظ آباد، فیصل آباد، جھنگ، ٹو بہ ٹیک سنگھ، ساہیوال ، سرگودھا، خو شاب ، میا نوا لی ،بھکر اور لیہ میں تیز ہواؤں اور گرج چمک کے ساتھ بارش کا امکان ہے، جبکہ مری،گلیات اور گردونوا ح میں وقفے وقفے سے تیز ہواؤں اور گرج چمک کے ساتھ بارش /برفباری جبکہ چند مقامات پر تیز بارش/شدید برفباری کی توقع ہے۔ اس دوران چند مقامات پر ژالہ باری کی بھی توقع ہے۔
محکمہ موسمیات کا کہنا ہے کہ بلوچستان کے بیشتر اضلاع میں موسم سرد اور مطلع جزوی ابر آلود رہے گا، تاہم کوئٹہ، زیارت، چمن،مستونگ، پشین، قلعہ عبداللہ، قلعہ سیف اللہ، ہرنائی، ژوب اور شیرانی میں تیز ہواؤں اورگرج چمک کے ساتھ بارش اور پہاڑوں پر برفباری کا امکان ہے۔ سندھ کے بیشتر اضلاع میں موسم خشک رہنے کی توقع ہے۔ اس کے علاوہ کشمیر اور گلگت بلتستان میں وقفے وقفے سے بارش اور برفباری کا امکان ہے۔
تازہ ترین خبروں کے لیے پی این آئی کا فیس بک پیج فالو کریں
