اسلام آباد(پی این آئی)محکمہ موسمیات کی جانب سے بارش اور ہلکی برفباری کی پیش گوئی، 25 فروری سے 1 مارچ کے دوران پنجاب کے بیشتر اضلاع میں تیز ہوا چلنے اور بارش کا امکان ہے۔
ترجمان پی ڈی ایم اے ڈی جی عرفان علی کاٹھیا نے مری اور گلیات سمیت دیگر پہاڑی علاقوں میں بارش اور برفباری کی پیش گوئی کردی، 25 سے 28 فروری کے دوران لاہور، ٹوبہ ٹیک سنگھ، جھنگ فیصل آباد شیخو پورہ نارووال میانوالی اور سیالکوٹ میں بارش متوقع ہے۔سرگودھا بھکر خوشاب حافظ آباد گجرانوالہ منڈی بہاوالدین اور گجرات میں بھی بارش کا امکان ہے، 25 سے 27 فروری تک ملتان ڈیرہ غازی خان لیہ مظفرگڑھ خانیوال ساہیوال پاکپتن اوکاڑہ اور بہاولنگر میں بھی ہلکی بارش کے امکانات ہیں۔
بارش کے ساتھ پہاڑی علاقوں میں برفباری بھی متوقع ہے، سیاح موسمی صورتحال کو مد نظر رکھتے ہوئے اپنا پروگرام ترتیب دیں۔ ڈی جی عرفان علی کاٹھیا کا کہنا تھا کہ پی ڈی ایم اے کنٹرول روم میں صورتحال کی مانیٹرنگ 24/7 جاری ہے، شہری خراب موسم کی صورتحال میں غیر ضروری سفر سے گریز کریں،ایمرجنسی صورتحال میں پی ڈی ایم اے ہیلپ لائن 1129 پر کال کریں۔
تازہ ترین خبروں کے لیے پی این آئی کا فیس بک پیج فالو کریں
