محکمہ موسمیات نے آج سے ملک کے مختلف علاقوں میں بارش کی پیش گوئی کر دی، سندھ، بلوچستان اور پنجاب کے علاقوں میں سرد اور تیز ہوائیں چلنے کا امکان ہے، پہاڑوں پر برفباری ہو سکتی ہے۔
محکمہ موسمیات کے مطابق آج سے مغربی ہوائیں ملک کے بالائی علاقوں میں داخل ہوں گی جس کے پیش نظر آج سے 8 دسمبر کے دوران مری، گلیات، اسلام آباد، راولپنڈی، لاہور سمیت پنجاب کے مختلف علاقوں میں بارش متوقع ہے۔
چترال، دیر، سوات، مالاکنڈ سمیت کے پی، گلگت بلتستان اور کشمیر میں بھی بارش اور پہاڑوں پر برفباری کا امکان ہے۔
دوسری جانب محکمہ موسمیات نے بلوچستان صوبے کے سولہ اضلاع میں گردآلود ہوائیں چلنے کی پیش گوئی کی ہے۔پی ڈی ایم اے نے گردآلود ہواؤں کے پیش نظر شہریوں کو غیر ضروری سفر سے گریز کرنے کی ہدایت کردی۔
تازہ ترین خبروں کے لیے پی این آئی کا فیس بک پیج فالو کریں
