اسلام آباد(پی این آئی) آج کہاں کہاں بارشوں کا امکان ہے؟ ۔۔ محکمہ موسمیات کے مطابق ہفتہ کے روز ملک کے بیشتر میدانی علاقوں میں موسم سرد اور خشک جبکہ شمالی علاقوں میں مطلع ابر آلود رہے گا ۔
جبکہ گلگت بلتستان اوربالا ئی خیبر پختو نخوا میں چند مقا مات پر ہلکی بارش اور ہلکی برفباری کا امکان ۔ پنجاب ، خیبر پختونخوا کے میدانی علاقوں اور بالائی سندھ میں شدید دھند/ سموگ چھائے رہے گی۔ خطہ پوٹھوہار میں صبح کے اوقات میں بعض مقامات پر کہرا پڑنے کی توقع۔ گذشتہ 24 گھنٹے کا موسم ملک کے بیشتر علاقوں میں موسم سرد اور خشک جبکہ شمالی علاقوں اور شمالی بلوچستان میں شدید سرد رہا۔ پنجاب ، بالائی سندھ اورخیبر پختونخوا کے میدانی علاقے شدید دھند /سمو گ کی لپیٹ میں رہے۔ آج ریکارڈ کیے گئے کم سے کم درجہ حرارت : لہہ ، اسکردومنفی10 ،گوپس منفی 06 ، گلگت ، کالام منفی 05،استور ، سری نگرمنفی 04، راوالاکوٹ اورقلات میں منفی 03 ڈگری سینٹی گریڈ ریکارڈ کیا گیا۔
تازہ ترین خبروں کے لیے پی این آئی کا فیس بک پیج فالو کریں
