اسلام آباد(پی این آئی) پنجاب کے بیشتر اضلاع ان دنوں شدید گرمی لپیٹ میں ہیں تاہم آئندہ دنوں میں بارشوں کی پیشگوئی کی گئی ہے۔دنیا نیوز کی رپورٹ کے مطابق صوبائی ڈیزاسٹر میجمنٹ اتھارٹی کے ترجمان کا کہنا ہے کہ پنجاب کے بیشتر اضلاع میں موسم گرم اور مرطوب رہے گا۔جب کہ صوبے میں 13 سے 16 اگست تک مون سون بارشوں کے امکانات ہیں۔
سیالکوٹ ، نارروال ، شکر گڑھ، لاہور، منڈی بہاؤالدین ، گجرات میں تیز بارش کے امکانات ہیں۔جب کہ راولپنڈی، اٹک ، جہلم، مری اور گلیات میں گرچ چمک کے ساتھ بارش کا امکان ظاہر کیا گیا۔ آئندہ گھنٹوں کے دوران اسلام آباد، شمال مشرقی پنجاب، خطہ پوٹھوہار، بالائی خیبر پختونخوا اور کشمیر میں بعض مقامات پر تیز ہوائوں اور گرج چمک کے ساتھ بارش کا امکان ہے جبکہ ملک کے وسطی اور جنوبی علاقوں میں آندھی/گرد آلود ہوائیں چلنے کی توقع ہے۔ملک کے بیشتر علاقوں میں موسم گرم اور مرطوب رہے گا۔ محکمہ موسمیات کے مطابق گذشتہ 24 گھنٹوں کے دوران ملک کے بیشتر علاقوں میں موسم گرم اور مرطوب رہا ہے جبکہ شمال مشرقی پنجاب، اسلام آباد، بالائی خیبر پختونخوا اور کشمیر میں چند مقامات پر گرج چمک کے ساتھ بارش ہوئی۔ سب سے زیادہ بارش لاہور (گلشن راوی 71، پانی والا تالاب 49، لکشمی چوک 46، اپر مال 38، تاج پورہ 15، گلبرگ 9، فرخ آباد 6، اقبال ٹاؤن 5، قرطبہ چوک 4، سمن آباد اور سٹی 2)، اسلام آباد (سٹی 45، سید پور 36، گولڑہ 20)، راولپنڈی (شمس آباد 18، چکلالہ 8)، گجرات، نارووال 4، مری 3، سیالکوٹ ایئرپورٹ ایک، کاکول 9، میرکھانی، بالاکوٹ ایک اور راولاکوٹ میں 5 ملی میٹر بارش ریکارڈ کی گئی ہے۔جمعرات کو ریکارڈ کئے گئے زیادہ سے زیادہ درجہ حرارت کی رپورٹ کے مطابق دالبندین 44، سبی، نوکنڈی اور دادو میں درجہ حرارت 42 ڈگری سینٹی گریڈ ریکارڈ کیا گیا ہے۔
تازہ ترین خبروں کے لیے پی این آئی کا فیس بک پیج فالو کریں
