مون سون بارشوں کا سلسلہ کب شروع ہونےکا امکان ہے؟ موسمیاتی ادارے کی پیشنگوئی آگئی

اسلام آباد(پی این آئی)ویدر بسٹرز پاکستان کے مطابق شمال مشرقی پنجاب میں مون سون کا آغاز 10 سے 15 جولائی 3 دن کے درمیان متوقع ہے۔ لہذا، کم از کم 1-2 ہفتوں کی تاخیر متوقع ہے۔ 20 جولائی تک مون سون کی بارشیں وسیح پیمانے پر پنجاب، کشمیر، سندھ اور خیبر پختونخواہ کو متاثر کریں گی۔پری مون سون بارشیں جون کے آخری ہفتے سے شروع ہو کے جولائی 2023 کے پہلے عشرے تک ہونے کی توقع ہے۔ پنجاب کے شمالی اور مشرقی حصوں میں پری مون سون خاص طور پر زیادہ رہے گا۔

انڈین محکمہ موسمیات کے مطابق، اس وقت مون سون معمول سے 2 ہفتے پیچھے ہے۔ مشرقی ہندوستان میں مون سون کی بارشیں ٹھیک سے شروع نہیں ہوئی ہیں، لیکن اگلے ہفتے شروع ہوں گی۔ ECM کی طویل رینج کی پیشن گوئی کے WBP کے تجزیہ کے مطابق جولائی میں پاکستان کے بیشتر حصوں میں بارش معمول سے کم ہوگی۔ مون سون کی بارش کا امکان معمول سے کم یا کافی کم ہوگا۔ شمالی خیبر پختونخواہ، پوٹھوہار ریجن خاص طور پر اسلام آباد، اور شمالی کشمیر کے لیے معمول سے کم رہنے کا امکان ہے۔ جڑواں شہروں میں اس جولائی میں معمول سے بہت نیچے بارش متوقع ہے، جبکہ پنجاب کے شمال مشرقی حصے میں سیالکوٹ اور نارووال کے علاقے میں معمول کی بارشیں ہو سکتی ہے! جولائی میں لاہور میں معمول کے مطابق یا معمول سے کچھ کم رہنے کا امکان ہے۔جنوبی پنجاب/خیبر پختونخواہ اور شمال مشرقی بلوچستان میں: اس خطے میں مجموعی طور پر معمول سے کم بارش متوقع ہے،

خاص طور پر شمال مشرقی بلوچستان اور پنجاب کے مغرب/جنوب مغربی حصوں طرف ؛ تاہم، پنجاب کے جنوب مشرقی حصوں بشمول بہاولپور اور بہاولنگر اور ملحقہ علاقوں میں مون سون کی معمول سے زیادہ بارشیں ہو سکتی ہے۔ ملتان ممکنہ طور پر مون سون جولائی میں معمول سے کم رہے گا۔جون کے آخری ہفتوں اور جولائی کے پہلے ہفتے میں گرم موسمی حالات میں شدت آنے کا امکان ہے۔ گرمی کی لہر کی توقع نہیں ہے! مجموعی طور پر، خیبر پختونخواہ ، سندھ اور پنجاب کے بیشتر میدانی علاقوں میں اوسط درجہ حرارت معمول سے نیچے رہنے کا امکان ہے۔ بلوچستان، آزاد کشمیر، گلگت بلتستان اور شمالی خیبر پختونخواہ میں درجہ حرارت معمول سے نیچے رہنے کا امکان ہے، خاص طور پر مکران کے ساحل اور پہاڑی علاقوں میں۔صوبہ سندھ کے جنوبی اور جنوب مشرقی حصوں (بشمول کراچی) اور مشرقی بلوچستان میں مون سون کی 1 یا 2 بارشیں ہوسکتی ہیں، بصورت دیگر جنوب میں مون سون کا مناسب آغاز اگست میں متوقع ہے۔ کراچی اور کوئٹہ دونوں میں اس جولائی میں معمول سے کم بارش ہونے کی توقع ہے۔ اگست 2023 کا تجزیہ : زیادہ تر معمول سے کم بارش متوقع ہے سوائے جنوبی سندھ کے جہاں معمول کے مطابق سے معمول سے زیادہ بارشوں کی پیش گوئی کی جا رہی ہے۔