ملک کے مختلف علاقوں میں بارش اور ژالہ باری، رابطہ سڑکیں متاثر، مکان کی چھت گرنے سے ایک خاتون ، آسمانی بجلی گرنے سے 15 مویشی ہلاک

اسلام آباد(آئی این پی ) شمال مشرقی بلوچستان، پنجاب، خیبر پختونخوا اور آزاد کشمیر کے مختلف علاقوں میں آندھی، بارش اور ژالہ باری ہوئی ہے۔مختلف برساتی نالوں میں طغیانی سے رابطہ سڑکیں متاثر ہوئی ہیں، بارش سے گندم، خربوزے، ٹماٹر اور دیگر فصلوں کے کاشتکاروں میں تشویش کی لہر دوڑ گئی۔ ہرنائی میں بارش سے مکان کی چھت گرنے سے ایک خاتون جاں بحق ہوگئی، دکی میں آسمانی بجلی گرنے سے 15 مویشی ہلاک ہوگئے۔

دوسری جانب محکمہ موسمیات کے مطابق ملک کے بیشتر علاقوں میں موسم خشک رہے گا۔ ادھر کوئٹہ میں موسم کی خنکی ختم نہیں ہوسکی، کوئٹہ میں کم ازکم درجہ حرارت 23، قلات میں 20 سینٹی گریڈ ریکارڈ کیا گیا ہے۔ محکمہ موسمیات کے مطابق گوادر اور نوکنڈی میں 30، جیونی میں 28، تربت میں 35 اور سبی میں 31 سینٹی گریڈ ریکارڈ کیا گیا جبکہ کوئٹہ میں ہوا میں نمی کا تناسب 24 فی صد ہے۔۔۔۔

تازہ ترین خبروں کے لیے پی این آئی کا فیس بک پیج فالو کریں

close