آج کہاں کہاں بارش ہو گی؟ محکمہ موسمیات کی اہم پیشگوئی

اسلام آباد (پی این آئی) محکمہ موسمیات نے پیشگوئی کی ہے کہ آج بھی پنجاب، خیبر پختونخوا اور شمالی بلوچستان میں بارش کا امکان ہے، زیریں سندھ، کشمیر اور گلگت بلتستان میں بھی بادل برسنے کی توقع ہے۔محکمہ موسمیات کے مطابق آج لاہور، گوجرانوالہ، سیالکوٹ اور جنوبی پنجاب کے مختلف علاقوں میں بارش کا امکان ہے۔ بالائی خیبرپختونخوا، سندھ کے مختلف علاقوں میں بادل برسنے کی توقع ہے۔کشمیر اور گلگت بلتستان میں بھی دیگر علاقوں کی طرح

آج بارش کی پیشگوئی کی گئی ہے۔دوسری جانب وفاقی وزیر برائے ماحولیاتی تبدیلی سینیٹر شیری رحمان نے تمام متعلقہ اداروں اور انتظامیہ کو مون سون بارشوں کے دوران الرٹ رہنے کی ہدایت کر دی ۔ اپنے ایک بیان میں شیر ی رحمن نے کہا کہ وفاقی کابینہ نے مون سون ایمرجنسی کا اعلان کر دیا ہے، 10 سے 14 اگست تک ملک کے مختلف حصوں میں شدید مون سون کی بارشیں ہونے کا امکان ہے، محکمہ موسمیات خلیج بنگال پر بننے والے بارشوں کے نظام کو دیکھ رہا ہے

جس کی شدت میں اضافہ ہو رہا ہے۔ انہوں نے کہا کہ ہمیں بارشوں کے نئے اسپیل کے لئے تیار رہنے کی ضرورت ہے، آج سے کچھ علاقوں میں بارشوں کا نیا اسپیل شروع ہو جائے گا، این ڈی ایم اے، پی ڈی ایم اے اور تمام صوبائی و ضلعی انتظامیہ کو احتیاتی تدابیر اختیار کرنے کی ضرورت ہے اور اس حوالے سے تمام متعلقہ ادراوں کو الرٹ رہنے کی ہدایت کی گئی ہے، بارش کے پانی کی نکاسی کے لئے ندی نالوں کو صاف رکھنے کی ضرورت ہے۔ وفاقی وزیر کا کہنا تھا کہ لوگوں سے گزارش ہے کہ ان بارشوں کے دوران غیر ضروری سفر سے گریز کریں۔