اسلام آباد (پی این آئی )آج اتوار کے روز ملک کے بیشتر وسطی ا ورجنوبی علاقوں میں موسم گرم اور خشک رہے گا۔تاہم بالائی خیبر پختونخوا، گلگت بلتستان، کشمیر اور اس سے ملحقہ علاقوں میں چندمقامات پر تیز ہواؤں اورگرج چمک کے ساتھ بارش کا امکان ہے ۔ محکمہ موسمیات کے مطابق پیر کے روز ملک کے بیشتر علاقوں میں موسم گرم اورخشک جبکہ وسطی ا ورجنوبی علاقوں میں بدستور گرم رہے گا۔گذشتہ 24 گھنٹے کا موسم گلگت بلتستان،
بالائی خیبر پختونخوا اور کشمیر میں تیز ہواؤں اورگرج چمک کے ساتھ بارش ہوئی۔ ملک کے دیگر علاقوں میں موسم خشک اورگرم رہا۔سب سے زیادہ بارش(ملی میٹر): گلگت بلتستان: بابوسر 17، استور07 ،اسکردو 03 ، بونجی ،بگروٹ 02، گلگت، گوپس 01، خیبر پختونخوا:میرکھانی 11 اوردروش میں 03ملی میٹر بارش ریکارڈ کی گئی۔گزشتہ روز ریکارڈ کیےگئےزیادہ سےزیادہ درجہ حرارت: شہیدبینظیرآباد43اورسبی میں42ڈگری سینٹی گریڈ ریکارڈ کیا گیا۔
تازہ ترین خبروں کے لیے پی این آئی کا فیس بک پیج فالو کریں
