گرمی سے پریشان شہریوں کو کئی شہروں میں بارشوں کی نوید سنا دی گئی

اسلام آباد(پی این آئی)محکمہ موسمیات کے مطابق جمعرات کے روز ملک کے بیشتر میدانی علاقوں میں موسم گرم اور مرطوب رہے گا ۔تاہم بالائی خیبر پختو نخوا ، خطہ پوٹھوہار ،گلگت بلتستان اورکشمیر میں چند مقامات پر تیزہواؤں اور گرج چمک کےساتھ بارش کا امکان۔ اسلام آباد میں دن کے اوقات میں موسم گرم اور مرطوب رہے گا ۔ تا ہم شام/رات میں تیز ہواؤں اورگرج چمک کےساتھ بارش ہو سکتی ہے۔ کشمیرمیں مطلع جزوی ابرآلود رہنے کے علاوہ چند مقامات پر تیز ہوا ؤں اور گرج چمک کےساتھ بارش کی توقع ۔گلگت بلتستان میں مطلع جزوی ابرآلود رہنے کے علاوہ چند مقامات پر تیز ہوا ؤں اور گرج چمک کےساتھ بارش کی توقع ۔ صوبہ خیبرپختونخوا کے بیشتر اضلاع میں موسم گرم اور خشک رہے گا۔ تاہم سوات، دیر ،ایبٹ آباد،مانسہرہ،کرم اورکوہستان میں تیز ہواؤں اورگرج چمک کےساتھ بارش ہو سکتی ہے ۔صوبہ سندھ کے بیشتر اضلاع میں موسم گرم اور مرطوب رہے گا۔صوبہ پنجاب کے بیشتر اضلاع میں موسم گرم اور مرطوب رہے گا ۔ تا ہم شام/رات میں گو جرانوالہ،نارووال، سیالکوٹ اور خطہ پوٹھوہار میں تیز ہواؤں اورگرج چمک کےساتھ بارش ہو سکتی ہے۔صوبہ بلوچستان کے بیشتر اضلاع میں موسم گرم اور خشک رہے گا ۔گذشتہ 24 گھنٹے کا موسم ملک کے بیشترعلاقوں میں موسم گرم اور مرطوب رہا۔آج ر یکار ڈ کیے گئے زیادہ سے زیادہ درجہ حرارت: دادو 44اورسبی میں 43 ڈگری سینٹی گریڈریکارڈ کیا گیا۔