مغربی ہوائوں کا سلسلہ پاکستان میں داخل ہو گیا، محکمہ موسمیات نے ملک کے مختلف حصوں میں بارش کی پیشنگوئی کر دی

اسلام آباد (پی این آئی ) محکمہ موسمیات نے ملک کے بالائی علاقوں میں بارش کی پیش گوئی کی ہے۔ تفصیلات کے مطابق مغربی ہواوں کا سلسلہ پاکستان میں داخل ہو گیا ہے، جس وجہ سے محکمہ موسمیات نے لاہور، اسلام آباد ، راولپنڈی سمیت ملک کے بالائی علاقوں میں بارش کی پیش گوئی کی ہے۔ محکمہ موسمیات

نے بتایا ہے کہ ملک کے بالائی علاقوں میں آئندہ 4 سے 5 روز کے دوران بارشیں ہو سکتی ہیں۔محکمہ موسمیات کے مطابق بدھ کے روز مغربی ہواوں کا سلسلہ پاکستان میں داخل ہوگا۔ بدھ سے اتوار تک کشمیر، پشاور، اسلام آباد کوہاٹ، ڈی آئی خان، بھکر، میانوالی، فیصل آباد، قصور ، لاہور اور جھنگ میں بھی بارش کے امکانات ہیں۔ اس کے علاوہ کوئٹہ، ڑوب، چمن ڈی جی خان، ملتان ،ساہیوال، سکھر میں بھی گرج چمک کے ساتھ بارش کا امکان ظاہر کیا گیا ہے۔دوسری جانب سے خیبر پختونخوا میں کل سے بارشوں اور تیز ہواوں کا سلسلہ شروع ہونے کا امکان ہے۔ڈی جی پی ڈی ایم اے شریف حسین نے متعلقہ اداروں کو پیشگی اقدامات اٹھانے کی ہدایات کر دیں۔محکمہ موسمیات کے مطابق بارشوں کا سلسلہ اتوار کے روز تک جاری رہنے کا امکان ہے۔ تیز بارشوں کے باعث صوبے کے حساس اضلاع میں لینڈ سلائیڈنگ بھی ہو سکتی ہے۔ انہوں نے ہدایت کی ہے کہ کسی بھی ناخوشگوار واقعے کی اطلاع پی ڈی ایم اے کی ہیلپ لائن پر دیں، تا کہ واقعے کے وقت موقع پر پہنچ کر صورتحال پر قابو پایا جا سکے۔ کیا سردی کی نئی لہر آنیوالی ہے، آئندہ سات دن کن کن علاقوں میں بارشیں متوقع ہیں؟تفصیلی پیشنگوئی جاری کر دی گئی اسلام آباد(پی این آئی)موسم کی بڑی ویب سائٹ ویدر بسٹرز پاکستان کے مطابق اگلے 7 دنوں کی ملک بھر کی پیشگوئی: اچھی خبر! شمال میں پورا ہفتہ گرج چمک کیساتھ بارش، ژالہ باری اور تیز ہیں متوقع۔مغربی ہواؤں کے یکے بعد دیگرے دو سلسلے متوقع ہیں جس کے سبب ملک کے تمام شمالی اور مغربی علاقوں میں موسمی سرگرمیاں رونما ہوتی رہیں گی۔بلوچستان میں تیز ہوائیں متوقع ہیں، جن کیساتھ کوئٹہ اور ژوب سے دالبندین تک گرج چمک کے طوفان بننے کے

امکانات ہیں۔ گرج چمک کے طوفان متاثّر کرنے کی صورت میں 50 سے 75 کلومیٹر فی گھنٹہ کی ہوائیں چل سکتی ہیں، جن کیساتھ ژالہ باری اور ہلکی سے معتدل بارش کا امکان ہے۔ رواں ہفتے کوئٹہ میں گرج چمک کے طوفان 2 سے 3 دفعہ متاثّر کر سکتے ہیں، جن سے 15 سے 25 ملی میٹر تک بارش ہو سکتی ہے اور کئی مہینوں سے جاری خشک موسم کا زور ٹوٹ سکتا ہے۔البتّہ تربت میں گرمی جاری رہیگی جہاں رواں ہفتے زیادہ سے زیادہ درجہ حرارت 34 سے 37 ڈگری سینٹی گریڈ رہنے کی توقع ہے۔جمعرات کو تاہم تربت میں گرج چمک کے طوفان بننے کے کچھ امکانات ہیں۔خیبر پختونخواہ اور کشمیر:بالاکوٹ، ایبٹ آباد اور مظفّر آباد میں ساری رات گرج چمک اور بارش ہوتی رہی ہے۔ رواں ہفتے ان علاقوں میں گرج چمک کے طوفان 4 سے 6 بار مزید متاثّر کر سکتے ہیں، باالخصوص منگل اور بدھ کی شام یا رات اور جمعرات سے ہفتے کے درمیان سب سے زیادہ امکانات ہیں۔ڈی آئی خان ڈویژن کے علاوہ خیبر پختونخواہ کے زیادہ تر علاقوں میں رواں ہفتے

20 سے 40 ملی میٹر بارش اور ساتھ نمایاں مقدار میں ژالہ باری اور 50 سے 75 کلومیٹر فی گھنٹہ کی ہوائیں گرج چمک کے طوفان کے دوران چل سکتی ہیں۔ پشاور اور مردان میں رواں ہفتے 30 سے 40 ملی میٹر بارش کا امکان ہے۔برفباری کی سطح 7000 سے 8000 فٹ رہنے کی توقع ہے۔پنجاب اور اسلام آباد:آج صبح اسلام آباد میں گرج چمک کیساتھ ہلکی بارش ہوئی۔ چکوال سمیت خطّہٰ پوٹھوہار میں کم از کم 3 سے 5 گرج چمک کے طوفان کے سلسلے کہیں کہیں متاثّر کر سکتے ہیں، جن میں سے کسی ایک سلسلے میں زیادہ سے زیادہ ہواؤں کی رفتار 60 سے 80 کلومیٹر فی گھنٹہ تک پہنچ سکتی ہے۔ ژالہ باری کا اندیشہ بھی ہوگا۔ شمال مشرقی پنجاب بشمول گوجرانوالہ اور لاہور میں چند ایک مقامات پر گرج چمک کے طوفان کے 1 سے 3 سلسلے متاثّر کر سکتے ہیں، جن کے ساتھ طوفانی ہوائیں اور ژالہ باری رواں ہفتے متوقع ہے۔ برفباری کی سطح 8500 فٹ سے زیادہ رہیگی۔جنوبی پنجاب میں صرف ایک یا دو مقامات پر گرج چمک کیساتھ ہلکی

پھلکی بارش کا امکان ہے۔ ملتان سے جنوب میں واقع علاقوں میں جزوی ابرالودگی کے علاوہ کوئی خاطر خواہ بارش کا امکان نہیں۔ بہاولپور اور رحیم یار خان کے علاقوں میں رواں ہفتے موسم مکمّل طور پر خشک رہنے کا امکان ہے۔گلگت بلتستان میں 7000 فٹ سے بلند مقامات پر نمایاں برفباری جبکہ پورے ہفتے موسم ابر آلود رہ سکتا ہے۔ برفباری کی شدّت زیادہ اور اسکے کم بلندی والے مقامات پر بھی ہونے کے امکانات ہونگے، باالخصوص جمعرات اور جمعہ، جب برفباری کی سطح 6000 فٹ تک پہنچ سکتی ہے۔ رواں ہفتے گلگت میں 20 سے 30 ملی میٹر بارش متوقع ہے۔سندھ: گرسم اور خشک موسم کیساتھ جنوب مغرب کی سمت سے ہوائیں صوبے کے زیادہ تر علاقوں میں چلیں گی۔ بدھ اور جمعرات کو کراچی میں بعض اوقات مطلع جزوی طور پر ابر آلود رہ سکتا ہے، جبکہ دن کے وقت 40 کلومیٹر فی گھنٹہ تک کے جھکّڑ چلنے کا امکان ہے۔پاکستان کے زیادہ تر علاقوں میں رواں ہفتے درجہ حرارت معمول کے مطابق رہیں گے۔