ٹھنڈی، تیز اور گرد آلود ہوائیں چل پڑیں، آج کراچی میں ریکارڈ توڑ سردی پڑسکتی ہے، محکمہ موسمیات

کراچی(این این آئی)کراچی میں ٹھنڈی، تیز اور گرد آلود ہوائیں چل پڑیں۔ محکمہ موسمیات نے امکان ظاہر کیا ہے کہ آج(پیر) کراچی میں ریکارڈ توڑ سردی پڑسکتی ہے تاہم موسم خشک رہے گا۔محکمہ موسمیات کے مطابق کراچی میں سردی کا 7سالہ ریکارڈ ٹوٹ سکتا ہے، سردی کی شدت 10 ڈگری سینٹی گریڈ سے کم رہ

سکتی ہے۔شہریوں کا کہنا ہے کہ وہ پورے سال سردیوں کا انتظار کرتے ہیں کیونکہ اس موسم کا اپنا ہی ایک مزہ ہے۔۔۔۔

بارشوں اور برفباری کا نیا سلسلہ پاکستان میں داخل، محکمہ موسمیات نے شدید سردی کی پیشنگوئی کر دی

اسلام آباد (پی این آئی) بارشوں اور برفباری کا نیا سلسلہ پاکستان میں داخل ہوگیا، پہاڑی علاقوں کی برفانی ہوائیں معتدل موسم والے علاقوں کا بھی رخ کریں گی۔ تفصیلات کے مطابق بلوچستان کے راستے ملک میں بارشوں اور برفباری کا نیا سلسلہ داخل ہوگیا ہے۔ نئے سلسلے کے باعث بلوچستان، خیبرپختوںخواہ اور گلگت ریجن کے کئی پہاڑی علاقوں میں برفباری کا سلسلہ شروع ہو چکا۔جبکہ کئی علاقوں میں بارش بھی ہو رہی۔ بارش اور برفباری کا سلسلہ آئندہ چند روز تک جاری رہنے کا امکان ہے۔ جبکہ بتایا گیا ہے کہ پہاڑی علاقوں کی برفانی ہوائیں معتدل موسم والے علاقوں کا بھی رخ کریں گی۔ کوئٹہ پہنچنے والی سائبیرین ہوائیں کراچی کا رخ کریں گی جس سے شہر قائد میں سردی کا 7 سال ریکارڈ ٹوٹنے کا امکان ہے۔آئندہ 24 گھنٹوں کے موسم کے حوالے سے محکمہ موسمیات کا بتانا ہے کہ اسلام آباد سمیت بالائی،وسطی پنجاب ،بالائی خیبر پختونخوا، گلگت بلتستان اورکشمیر میں بارش اور پہاڑوں پر برفباری ،ملک کے بیشتر علاقوں میں موسم سرد اور خشک جبکہ پیشتر علاقوں میں مطلع جزوی ابر آلود رہنے کا امکان ہے۔جبکہ گذشتہ 24 گھنٹوں کے دوران ملک کے بیشتر علاقوں میں موسم سرداور خشک جبکہ شمالی بلو چستان ،شمالی علاقہ جات، کشمیر اور بالائی خیبر پختو نخوا میں شدید سرد رہا۔رپورٹ کے مطابق کم سے کم درجہ حرارت، لہہ منفی 14،گوپس ،سکردو منفی9،

استور منفی 8 ، پاراچنار منفی 5، بگروٹ،کالام ، گلگت منفی4 اور قلات میں منفی 3 ڈگری سینٹی گریڈریکارڈ کیا گیا۔دوسری جانب لاہور کے حوالے سے محکمہ موسمیات نے بروز اتوار شہر میں ہلکی بارش کی پیش گوئی کی ہے۔ محکمہ موسمیات کا کہنا ہے کہ بارش برسانے والا ایک نیا چھوٹا سسٹم لاہور میں داخل ہوچکا ہے۔ جس سے بارش کا امکان ہے جبکہ شہر میں ٹھنڈی ہوائیں چلنے کے ساتھ ساتھ بادل چھائے رہنے سے سردی کی شدت میں بھی اضافہ ہوگا جس سے دھند اور سموگ میں کسی حد تک کمی واقعہ ہونے کا امکان ہے۔