اسلام آباد(پی این آئی)محکمہ موسمیات کے مطابق ہفتہ کے روز ملک کے وسطی و جنوبی علاقوں میں موسم گرم اور خشک رہے گا۔ تاہم کشمیر، خیبر پختونخوا،اسلام آباد ، بالائی پنجاب اورگلگت بلتستان میں آندھی اور گرج چمک کے ساتھ بارش کاامکان ہے ۔گذشتہ 24 گھنٹے کا موسم ملک کے بیشتر علاقوں میں موسم گرم اور
خشک رہا۔ تاہم بالائی خیبر پختونخوا، پنجاب ،کشمیر اور گلگت بلتستان میں بارش ہوئی۔سب سے زیادہ بارش: (ملی میٹر): خیبر پختونخوا: کاکول 28 ،مالم جبہ 11، چراٹ 04، بالائی دیر، پٹن، سیدو شریف 02،بالاکوٹ، کالام، پشاور، پاراچنار 01،کشمیر: گڑھی دوپٹہ 05 ، مظفر آباد(ائیر پورٹ 03،سٹی01 ) ، پنجاب : منڈی بہاؤالدین 05،مری 04، گجرات ، سیالکوٹ ائیر پورٹ ، لاہور ائیر پورٹ 03،اٹک اور ڈی جی خان میں 01 ملی میٹر بارش ریکارڈ کی گئی۔آج ریکار ڈ کیےگئےزیادہ سے زیادہ درجہ حرارت :تربت 48، جیکب آباد ، موہنجوداڑو 47 اور سبی میں 46 ڈگری سینٹی گریڈ ریکارڈ کیا گیا۔
