محکمہ داخلہ بلوچستان نے امن وامان کی صورتحال کے باعث عیدالفطر کے موقع پر صوبے بھر میں دفعہ 144 نافذ کر دی ہے۔
محکمہ داخلہ بلوچستان نے امن ومان کی صورتحال کے باعث صوبے بھر میں دفعہ 144 نافذ کرتے ہوئے سیر وتفریح کے مقامات پر جانے پر پابندی عائد کر دی ہے۔
اس حوالے سے اعلامیہ جاری کیا گیا ہے جس کے مطابق کوئٹہ کی ضلع انتظامیہ نے عید کے موقع پر دفعہ 144 کے تحت تفریحی مقامات پر جانے پر پابندی عائد کر دی ہے۔
اس کے علاوہ ہنہ اوڑک، کرخسہ اور شابان کے علاقوں م یں بھی تفریح کے لیے جانے پر پابندی عائد کر دی گئی ہے۔
اعلامیہ میں شہریوں سے اپیل کی گئی ہے کہ وہ عید کے ایام میں متعلقہ تفریحی مقامات کا رخ نہ کریں۔
واضح رہے کہ صوبہ بلوچستان میں گزشتہ دنوں تواتر سے دہشتگردی کے کئی واقعات رونما ہوئے جن میں متعدد معصوم شہری اور قانون نافذ کرنے والے اداروں کے اہلکار شہید ہوئے جب کہ درجنوں دہشتگردوں اور خارجیوں کو واصل جہنم کیا گیا۔
تازہ ترین خبروں کے لیے پی این آئی کا فیس بک پیج فالو کریں
