جی میل میں بڑی تبدیلی کرنیکا فیصلہ

 صارفین کے اکاؤنٹس کی سکیورٹی کو مضبوط بنانے کے لیے گوگل کی جانب سے جی میل کے 2 فیکٹر authenticat (ٹو ایف اے) لاگ ان کے طریقہ کار میں بڑی تبدیلی کی منصوبہ بندی کی جا رہی ہے۔

ایک رپورٹ کے مطابق گوگل کی جانب سے جی میل اکاؤنٹس پر لاگ ان ہونے کے لیے 2 ایف اے کوڈز کو ٹیکسٹ میسج کے ذریعے بھیجنے کے طریقہ کار کو ختم کیا جا رہا ہے، جبکہ اس کی جگہ دیگر سکیورٹی ٹولز جیسے پاس کیز اور کیو آر کوڈز کو ترجیح دی جائے گی۔ اس حوالے سے بتایا گیا ہے کہ گوگل نے دریافت کیا ہے کہ 2 ایف اے کوڈز کی ایس ایم ایس کے ذریعے ترسیل سے فراڈ کرنے والے افراد کو دیگر اکاؤنٹس تک رسائی میں مدد ملتی ہے۔

گوگل کے سکیورٹی اینڈ پرائیویسی پبلک ریلیشن شعبے کے سربراہ Ross Richendrfer نے اس منصوبے کی تصدیق کی ہے، ان کا کہنا ہے کہ جیسے ہم پاس ورڈز کا عہد ختم کرنے کے لیے پاس کیز جیسی ٹیکنالوجیز کو استعمال کر رہے ہیں، اسی طرح ہم لاگ ان کی تصدیق کے لیے استعمال ہونے والے ایس ایم ایس میسجز کے طریقہ کار کو بھی ختم کر رہے ہیں۔ انہوں نے بتایا کہ آئندہ چند ماہ میں گوگل کی جانب سے طے کیا جائے گا کہ کس طرح فون نمبروں کی تصدیق کی جائے، جی میل اور دیگر گوگل سروسز میں ایس ایم ایس کے ذریعے بھیجے جانے والے 6 ہندسوں پر مشتمل کوڈز کو ختم کرکے کیو آر کوڈ کو لاگ ان کے لیے استعمال کیا جائے گا۔