ایسے طلبا جو کالج میں داخلے کے لیے عمان جانے کے خواہشمند ہیں اور درخواست دینا چاہتے ہیں، انھیں مندرجہ ذیل طریقہ کار پر عمل کرنا ہوگا۔
عمان جانے والے پاکستانی شہری جو پڑھنے کے لیے یا مختصر مدت کے قیام کے لیے وہاں جانے کا ارادہ رکھتے ہیں انھیں ای ویزا کے لیے رائل عمان پولیس (آر او پی) ای ویزا پورٹل کے ذریعے آن لائن درخواست دینا ہوگی۔
نئی اپ ڈیٹس کے ساتھ، پلیٹ فارم طلباء کو اپنی درخواستیں جمع کرانے، ادائیگی کرنے اور منظوری حاصل کرنے کی اجازت دیتا ہے، اس سے امیدوار قونصل خانے جانے یا لمبی قطاروں میں کھڑے ہونے کی الجھن سے بچ جائے گا۔
نیا غیر اسپانسر شدہ سیاحتی ویزا طلبا کے لیے بہترین ہے کیونکہ اہل افراد عمان کی سیر کرنے یا تعلیمی ایونٹس میں شرکت کے لیے براہ راست ویزا کے لیے درخواست دے سکتے ہیں،
ایسے افراد جو تعلیمی بریک کے دوران یا اپنی تعلیم مکمل کرنے کے بعد مختصر دوروں کی منصوبہ بندی کرتے ہیں ان کے لیے ای ویزا ایک آسان حل پیش کرتے ہیں۔
عمان کا ای ویزا پروگرام مسقط کی نئی حکمت عملی کے تحت 100 سے زائد ممالک کے شہریوں کو اجازت دیتا ہے کہ وہ یہاں آسکیں جس میں طلبا بھی شامل ہیں۔
جو لوگ ای ویزا کے لیے درخواست دینے میں دلچسپی رکھتے ہیں وہ اپنی اہلیت کی جانچ کر سکتے ہیں اور evisa.rop.gov.om پر آن لائن درخواستیں جمع کر سکتے ہیں۔
تازہ ترین خبروں کے لیے پی این آئی کا فیس بک پیج فالو کریں
