کراچی : گھریلو صارفین کیلئے 2سال میں چوتھی مرتبہ گیس مہنگی ہونے کا امکان ہے، اوگرا درخواستوں پر سماعت کرے گا۔
تفصیلات کے مطابق سوئی ناردرن گیس کی درخواست پر اوگرا آج لاہور میں سماعت کرے گا جبکہ سوئی سدرن کی درخواست پر اوگرا 8 نومبر کو کراچی میں سماعت کرے گا۔
اسلام آباد سمیت پنجاب اور کے پی کیلئے گیس3.66فیصد مہنگی کرنے جبکہ سندھ اوربلوچستان کےلیےگیس 53.47 فیصد مہنگی کرنے کی درخواست ہے۔سوئی ناردرن نے اوسط قیمت میں 64.16 روپے فی ایم ایم بی ٹی یو اضافے کی تجویز دی جبکہ 1810.38 روپے فی ایم ایم بی ٹی یو کرنےکی درخواست کی ہے۔
سوئی سدرن کی جانب سے 669.07 روپے فی ایم ایم بی ٹی یو اضافے اور اوسط قیمت 1920.39 روپے فی ایم ایم بی ٹی یو کرنے کی درخواست کی ہے۔گیس کمپنیوں نے یکم جولائی 2024 سے گیس مہنگی کرنے کا مطالبہ کیا ہے ، ذرائع نے کہا ہے کہ گیس صارفین پر 2 سال میں 953 ارب روپے کا اضافی بوجھ ڈالا گیا۔
جنوری2023 سے اب تک گھریلوصارفین کی گیس 3 مرتبہ مہنگی ہوچکی ہے جبکہ سابقہ اتحادی حکومت میں گیس کی قیمتوں میں ایک بار اضافہ کیا گیا تھا اور نگراں حکومت کے مختصردور میں گیس2 مرتبہ مہنگی کی گئی تھی ، دو سال میں گیس صارفین پر 900 ارب روپے سے زائد کا بوجھ ڈالاگیا ہے۔
تازہ ترین خبروں کے لیے پی این آئی کا فیس بک پیج فالو کریں
