اسلام آباد(پی این آئی )وفاقی وزیر نے نواز شریف کو وطن واپس آنے کی صورت میں خصوصی پیشکش کرتے ہوئے ٹکٹ فری دینے کا اعلان کر دیا ۔ تفصیلات کے مطابق نجی ٹی وی سے گفتگو کے دوران وفاقی وزیر برائے ہوا بازی غلام سرور نے کہا ہے کہ اگر نواز شریف اگر پاکستان واپس آئیں گے تو انہیں جہاز میں فرسٹ کلاس کی فری ٹکٹ بلکہ مزید 2افراد کیلئے
بھی ٹکٹ فری ہونگے ۔ غلام سرور خان کا یہ بھی کہنا تھا کہ جہاز میں اسپیشل سہولیات ہوں گی اور ساتھ ہی مکمل انٹرٹینمنٹ کا بھی بندوبست ہوگا۔دوسری جانب وفاقی وزیرداخلہ شیخ رشید احمد نے کہاہے کہ 16 فروری کو نواز شریف کے پاسپورٹ کی مدت ختم ہو جائے گی۔میڈیا سے گفتگو کرتے ہوئے وفاقی وزیر داخلہ شیخ رشید احمد نے کہا کہ 16 فروری کو نواز شریف کے پاسپورٹ کی مدت ختم ہو جائے گی، نوازشریف واپس آنا چاہیں تو پروٹیکٹو سرٹیفکیٹ لے سکتے ہیں۔انہوں نے کہا کہ نواز شریف پاکستان واپس نہیں آئیں گے۔ وزیر داخلہ نے کہا کہ نوازشریف واپس آنا چاہیں تو ہائی کمیشن ان کو واپسی کی چٹ جاری کردے گا۔واضح رہے کہ سابق وزیراعظم و مسلم لیگ (ن) کے قائد محمد نواز شریف نومبر 2019 سے لندن میں مقیم ہیں جہاں ان کا علاج جاری ہے جبکہ ان کی پاسپورٹ کی مدت 16 فروری کو ختم ہونی ہے۔
تازہ ترین خبروں کے لیے پی این آئی کا فیس بک پیج فالو کریں
