لاہور(پی این آئی)لاپرواہی موت بانٹنے لگی ، بتی چوک پر کوڑے سے بھرے تیز رفتار ٹرالر کی بریک فیل ہو نے سے ے قابو ہو گیا، 3موٹر سائیکل سوار کچل کر جاں بحق، بتی چوک کے قریب تیز رفتار ٹرالر بریک فیل ہونے سے بے قابو ہو کر شہریوں پر چڑھ گیا. حادثہ میں 3 افراد جاں بحق جبکہ ایک زخمی ہو گیا. تفصیلات
کے مطابق آزادی چوک سے بجانب بتی چوک تیز رفتار کوڑے سے بھرے ٹرالر کی بریک فیل ہو گئی، بریک فیل ہونے سے ٹرالر نے موٹر سائیکل سواروں کو کچل دیا. تین موٹر سائیکل سوار موقع پر جاں بحق ہو گئے جبکہ ایک زخمی ہو گیا. جاں بحق ہونے والوں مین 40سالہ رفیق، اور دو نا معلوم شامل ہیں. جبکہ 46 سالہ عمران زخمی ہوا. ریسکیو نے لاشوں کو مردہ خانے جبکہ زخمی کو میو ہسپتال منتقل کیا.پولیس کا کہنا ہے کہ ٹرالر ڈرائیور گرفتار ہے تحقیقات کی جا رہی ہیں.
تازہ ترین خبروں کے لیے پی این آئی کا فیس بک پیج فالو کریں
