سکھر میں ساس، سسر اور شوہر کے ہاتھوں حاملہ خاتون مبینہ تشدد کا نشانہ، جان کی بازی ہار گئی، شوہر فرار

سکھر(پی این آئی)سکھر میں ساس، سسر اور شوہر کے ہاتھوں حاملہ خاتون مبینہ تشدد کا نشانہ، جان کی بازی ہار گئی، شوہر فرار۔سندھ کے شہر سکھر میں مبینہ طور پر ساس، سسر اور شوہر نے حاملہ خاتون کو تشدد کا نشانہ بنانے کے بعد قتل کردیا۔سکھر میں شوہر نے نوجوان حاملہ بیوی پر مبینہ تشدد کیا جس کے نتیجے میں

وہ دم توڑ گئی، پولیس نے ساس سسر کو گرفتار کرلیا جبکہ شوہر فرار ہونے میں کامیاب ہوگیا۔پولیس ذرائع کے مطابق سی سیکشن تھانہ کی حدود فریک ہل کالونی میں خاتون کے قتل کی اطلاع ملی تھی جس پر جائے وقوعہ پر پہنچ کر گھر سے لاش برآمد کی۔مقتول خاتون کے بھائی عابد کے مطابق مقتولہ ساجدہ کے شوہر کاشف نے اپنے والدین کے ہمراہ اس کی بہن کو تشدد کا نشانہ بنا کر اور گلا دبا کر مار ڈالا۔ابتدائی رپورٹس میں بھی خاتون پر تشدد کے نشانات واضح پائے گئے ہیں، پولیس نے جائے وقوعہ پر پہنچ کر لاش کو تحویل میں لے کر ضابطے کی کارروائی کے لیے اسپتال منتقل کردیا۔سی سیکشن پولیس کے مطابق سسر شکیل اور ساس خالدہ کو حراست میں لے کر مزید تفتیش شروع کردی گئی ہے، خاتون کا شوہر کاشف فرار ہوگیا جس کی تلاش میں چھاپے مارے جارہے ہیں ملزم کو جلد گرفتار کرلیں گے۔۔۔۔۔۔۔۔۔۔۔۔۔۔۔