سپریم کورٹ نے سرکاری ملازمین کے پروموشن سے متعلق اہم فیصلہ سنایا ہے۔ عدالت عظمیٰ نے کہا ہے کہ اہل افسر کو پہلی محکمہ جاتی پروموشن کمیٹی کے دن سے پروموشن کا حق حاصل ہے، اور پنجاب سروس ٹربیونل کا سابقہ فیصلہ کالعدم قرار دے دیا گیا۔ اس کے مطابق سرکاری ملازم فخر مجید کی پروموشن 21 جنوری 2012 سے مؤثر ہو گئی ہے۔
سپریم کورٹ نے واضح کیا کہ انتظامی غفلت یا تاخیر کا اثر ملازم کے حق پر نہیں پڑ سکتا اور اہل سرکاری ملازم کو بروقت پروموشن کے لیے محکمہ جاتی پروموشن کمیٹی میں شامل کرنا لازم ہے۔ عدالت نے سرکاری اداروں کو ہدایت دی کہ پروموشن کے عمل کو بروقت یقینی بنایا جائے اور ملازمین کو انتظامی ناکامی کی سزا نہ دی جائے۔
جسٹس عائشہ ملک نے سات صفحات پر مشتمل تحریری فیصلہ جاری کیا، جبکہ سماعت جسٹس عائشہ ملک، جسٹس محمد ہاشم کاکڑ اور جسٹس اشتیاق ابراہیم پر مشتمل بینچ نے کی۔ عدالت نے یہ بھی کہا کہ پروموشن میں تاخیر یا لاپرواہی ملازم کے بنیادی حق کو متاثر نہیں کرے گی۔
تازہ ترین خبروں کے لیے پی این آئی کا فیس بک پیج فالو کریں
