پاکستان کے زرمبادلہ کے ذخائر تاریخ کی بلند ترین سطح پر پہنچ گئے ہیں جبکہ بین الاقوامی ایجنسیاں بھی پاکستانی معیشت میں بہتری کی توثیق کر رہی ہیں۔
انٹرنیشنل ریٹنگ ایجنسیوں گیلپ اور ڈی اینڈ بی نے پاکستانی معیشت میں نمایاں بہتری کا اعتراف کیا ہے۔ بین الاقوامی ریٹنگ ایجنسیوں کے مطابق صارفین کے اعتماد میں 19 فیصد اضافہ ریکارڈ کیا گیا ہے۔
رپورٹ کے مطابق مارچ 2022 کے بعد پاکستان کے زرمبادلہ کے ذخائر بڑھ کر 21.1 بلین ڈالر تک پہنچ گئے ہیں۔ بتایا جا رہا ہے کہ یہ مثبت تبدیلی ایس آئی ایف سی کی مؤثر سہولت کاری، معاونت اور کاوشوں کا نتیجہ ہے، جبکہ معاشی اصلاحات اور ایس آئی ایف سی کی حکمت عملی کے باعث مالی عدم تحفظ میں بھی کمی آئی ہے۔
معاشی اصلاحات کے نتیجے میں سرمایہ کاروں کا اعتماد پہلے کے مقابلے میں مزید مضبوط ہوا ہے۔ ماہر معیشت خاقان نجیب کے مطابق معیشت نے 28 سے 30 ماہ کے عرصے میں میکرواکنامک استحکام کا سفر طے کیا ہے، پاکستان نے بیرونی اکاؤنٹ میں درآمدات کے دباؤ کو کنٹرول کیا اور کرنٹ اکاؤنٹ میں سرپلس حاصل کیا۔
ماہر معیشت اشفاق تولہ کا کہنا ہے کہ صارفین کے اعتماد میں اضافہ حکومت اور ایس آئی ایف سی کے ٹھوس اور مؤثر اقدامات کا براہ راست نتیجہ ہے۔
تازہ ترین خبروں کے لیے پی این آئی کا فیس بک پیج فالو کریں
