لاہور میں 9 مئی کے واقعات سے متعلق دو مزید مقدمات کا فیصلہ سنا دیا گیا، جس میں پاکستان تحریکِ انصاف کے چار مرکزی رہنماؤں کو دس، دس سال قید کی سزا سنائی گئی ہے۔
کوٹ لکھپت جیل میں قائم انسدادِ دہشت گردی عدالت کے جج ارشد جاوید نے یہ فیصلہ سنایا۔ عدالت نے 9 مئی کو گلبرگ میں گاڑیاں جلانے اور کلمہ چوک میں کنٹینر نذرِ آتش کرنے کے مقدمات کا فیصلہ دیا۔ عدالتی حکم کے مطابق پی ٹی آئی کے سینئر رہنما اور سابق گورنر پنجاب عمر سرفراز چیمہ، سابق سینیٹر اعجاز چوہدری، ڈاکٹر یاسمین راشد اور میاں محمود الرشید کو دس، دس سال قید کی سزا سنائی گئی۔
تاہم عدالت نے گلبرگ میں گاڑیاں جلانے کے مقدمے میں 22 جبکہ کلمہ چوک میں کنٹینر جلانے کے کیس میں 5 ملزمان کو بری بھی کر دیا۔
تازہ ترین خبروں کے لیے پی این آئی کا فیس بک پیج فالو کریں
