اسلام آباد: وفاقی حکومت کے ابتدائی 20 ماہ کے دوران قرضوں میں 12 ہزار 169 ارب روپے کا اضافہ ہوا ہے۔ یہ اضافہ مارچ 2024 سے اکتوبر 2025 کے دوران ریکارڈ کیا گیا۔
اسٹیٹ بینک آف پاکستان کی دستاویزات کے مطابق اس عرصے میں وفاقی حکومت کے مقامی قرضے میں 11 ہزار 300 ارب روپے جبکہ بیرونی قرضے میں 869 ارب روپے کا اضافہ ہوا، جس کے بعد وفاقی حکومت کا کل قرضہ اکتوبر 2025 تک 76 ہزار 979 ارب روپے تک پہنچ گیا، جب کہ فروری 2024 میں یہ رقم 64 ہزار 810 ارب روپے تھی۔
مزید تفصیلات کے مطابق فروری 2024 تک مرکزی حکومت کا مقامی قرضہ 42 ہزار 675 ارب روپے تھا جو اکتوبر 2025 تک بڑھ کر 53 ہزار 975 ارب روپے ہو گیا۔ اسی طرح بیرونی قرضہ فروری 2024 میں 22 ہزار 134 ارب روپے تھا، جو اکتوبر 2025 تک 23 ہزار ارب روپے سے تجاوز کر چکا ہے۔
تازہ ترین خبروں کے لیے پی این آئی کا فیس بک پیج فالو کریں
