’را‘ سے تعلق رکھنے والے درجن دہشتگرد گرفتار

محکمہ انسداد دہشت گردی پنجاب (سی ٹی ڈی) نے لاہور، فیصل آباد اور بہاولپور میں انٹیلی جنس پر مبنی کارروائیوں کے دوران 12 مشتبہ دہشت گردوں کو گرفتار کیا ہے۔ سی ٹی ڈی کے ترجمان کے مطابق یہ افراد مبینہ طور پر بھارتی خفیہ ایجنسی ’را‘ کے لیے کام کر رہے تھے۔

گرفتاریوں کے دوران سیکیورٹی اہلکاروں نے مشتبہ افراد سے تصاویر، ویڈیوز، ہتھیار اور دھماکا خیز مواد برآمد کیا، جس میں حساس مقامات اور ایک مذہبی مدرسے کی تصاویر و ریکارڈنگز بھی شامل تھیں۔ ترجمان کے مطابق یہ دہشت گرد صوبے میں ’خوف اور مذہبی منافرت‘ پھیلانے کی منصوبہ بندی کر رہے تھے اور ان کا ہدف عبادت گاہیں اور دیگر اہم مقامات تھے۔

گرفتار مشتبہ افراد میں لاہور سے سکھدیپ سنگھ، اعظم، فیضان، نبیل، ابرار، عثمان اور سرفراز؛ فیصل آباد سے دانش؛ اور بہاولپور سے رجب، ہاشم، ثاقب اور عارف شامل ہیں۔ سی ٹی ڈی نے بتایا کہ یہ گرفتاریاں ایک فیس بک اکاؤنٹ کی تحقیقات کے بعد عمل میں آئیں، جو بھارت سے دہشت گردی کی سرگرمیاں مربوط کرنے کے لیے استعمال ہو رہا تھا۔

سی ٹی ڈی کے مطتمام تمام گرفتار افراد کو بھارتی ایجنسی ’را‘ کی طرف سے مالی مدد فراہم کی جا رہی تھی۔ کارروائی کے دوران 7 خود ساختہ دھماکا خیز آلات، 2 ڈیٹونیٹرز، 102 فٹ سیفٹی فیوز وائر، دھماکا خیز مواد، ہتھیار، موبائل فونز اور نقد رقم برآمد ہوئی۔ گرفتار افراد کے خلاف مقدمات درج کر لیے گئے ہیں اور تحقیقات جاری ہیں۔