اسلام آباد: وزیراعظم شہباز شریف نے فیلڈ مارشل سید عاصم منیر کو بطور چیف آف آرمی اسٹاف اور چیف آف ڈیفنس فورسز تعینات کرنے کی سمری کی منظوری دے کر ایوان صدر بھجوا دی ہے۔
سمری کے مطابق فیلڈ مارشل عاصم منیر ایک ہی وقت میں چیف آف آرمی اسٹاف اور چیف آف ڈیفنس فورسز کے عہدے سنبھالیں گے اور ان کی تعیناتی پانچ سال کے لیے ہوگی۔ وہ ملک کے پہلے چیف آف ڈیفنس فورسز ہوں گے۔
مزید برآں، وزیراعظم نے ائیر چیف مارشل ظہیر احمد بابر سدھو کی مدت ملازمت میں دو سال کی توسیع کی بھی منظوری دی ہے، جو ان کی موجودہ پانچ سالہ مدت ملازمت کے مارچ 2026 میں ختم ہونے کے بعد نافذ ہوگی۔
تازہ ترین خبروں کے لیے پی این آئی کا فیس بک پیج فالو کریں
