سینیٹر عرفان صدیقی کے انتقال کے باعث خالی ہونے والی سینیٹ کی جنرل نشست کے لیے ضمنی انتخاب کا اعلان کر دیا گیا ہے۔
ترجمان الیکشن کمشنر پنجاب کے مطابق امیدوار 4 اور 5 دسمبر 2025 کو ریٹرننگ آفیسر کے دفتر میں کاغذاتِ نامزدگی جمع کرا سکیں گے، جبکہ نامزد امیدواروں کی فہرست 6 دسمبر کو شائع کی جائے گی۔
کاغذاتِ نامزدگی کی جانچ پڑتال 8 دسمبر 2025 تک مکمل کی جائے گی۔ منظوری یا مسترد ہونے کے خلاف اپیلیں 10 دسمبر تک دائر کی جا سکیں گی اور اپیلوں پر فیصلوں کی آخری تاریخ 12 دسمبر مقرر کی گئی ہے۔ امیدواروں کی نظرِ ثانی شدہ فہرست 13 دسمبر کو جاری کی جائے گی۔
امیدوار 15 دسمبر 2025 تک اپنے کاغذاتِ نامزدگی واپس لے سکیں گے۔ پولنگ 24 دسمبر کو صبح 9 بجے سے شام 4 بجے تک صوبائی اسمبلی پنجاب میں منعقد ہوگی۔ کاغذاتِ نامزدگی ریٹرننگ آفیسر کے دفتر، 10 کورٹ اسٹریٹ لاہور، میں 4 اور 5 دسمبر کو وصول کیے جائیں گے۔
تازہ ترین خبروں کے لیے پی این آئی کا فیس بک پیج فالو کریں
