پشاور میں فیڈرل کانسٹیبلری (ایف سی) ہیڈکوارٹرز پر خودکش دھماکوں کی تفتیش جاری ہے۔
تفتیشی حکام نے بتایا کہ نادرا نے حملہ آوروں کی افغان شہریت کی تصدیق کر دی ہے، تاہم مزید تفصیلات ابھی تک موصول نہیں ہوئیں۔ اب تک 100 سے زائد مشتبہ افراد سے تفتیش کی جا چکی ہے اور حملہ آوروں کی رحمان بابا قبرستان سے ایف سی ہیڈکوارٹرز تک آمد کی فوٹیج بھی حاصل کر لی گئی ہے۔
حکام نے کہا کہ تفتیشی ٹیم سہولت کار کی شناخت پر کام کر رہی ہے، اور دھماکے کے دن حملہ آوروں کے زیر استعمال کوئی موبائل فون نہیں تھا۔
واضح رہے کہ 24 نومبر کو ایف سی ہیڈکوارٹرز میں خودکش دھماکوں میں تین اہلکار شہید جبکہ تین حملہ آور ہلاک ہوئے تھے۔ پولیس نے مقدمہ دہشت گردی کی دفعات کے تحت درج کر کے تحقیقات شروع کر دی ہیں۔ جائے وقوعہ سے 27 سے زائد خول بھی برآمد ہوئے تھے اور دھماکے میں 11 افراد زخمی ہوئے تھے۔
تازہ ترین خبروں کے لیے پی این آئی کا فیس بک پیج فالو کریں
