اسلام آباد: وزیراعلیٰ خیبر پختونخوا سہیل خان آفریدی نے اعلان کیا ہے کہ 7 دسمبر کو پشاور میں جلسہ ہوگا اور پشاور کی ترقی کے لیے 100 ارب روپے کے ترقیاتی منصوبوں پر گرینڈ میٹنگ بلائی جائے گی۔
وزیراعلیٰ کی زیر صدارت پشاور کے پارلیمنٹرینز کا اجلاس ہوا جس میں موجودہ اور سابق اراکین اسمبلی کے ساتھ ساتھ پشاور کی سینئر قیادت نے بھی شرکت کی۔ اجلاس میں 7 دسمبر کو پشاور میں جلسہ منعقد کرنے کا فیصلہ کیا گیا۔
سہیل آفریدی نے کہا کہ پشاور کی عظمتِ رفتہ کی بحالی اور ترقیاتی منصوبوں میں تیزی لائیں گے، پشاور صوبے کا دارالحکومت اور ہمارا چہرہ ہے۔ انہوں نے مزید کہا کہ پشاور کے میگا پروجیکٹس اور درپیش مسائل کو ترجیحی بنیادوں پر حل کیا جائے گا۔
تازہ ترین خبروں کے لیے پی این آئی کا فیس بک پیج فالو کریں
