الیکشن کمیشن آف پاکستان نے ضمنی انتخابات میں کامیاب امیدواروں کے نوٹیفکیشن جاری کر دیے ہیں۔
کمیسیون نے قومی اسمبلی کی پانچ نشستوں اور صوبائی اسمبلی کی سات نشستوں پر کامیاب ہونے والے امیدواروں کے نوٹیفکیشن جاری کیے ہیں۔
قومی اسمبلی کی نشستوں پر کامیاب ہونے والے امیدواروں میں این اے 18 ہری پور سے بابر نواز خان، این اے 104 فیصل آباد سے دانیال احمد، این اے 129 لاہور سے محمد نعمان، این اے 143 ساہیوال سے محمد طفیل اور این اے 185 ڈیرہ غازی خان سے محمود قادر خان شامل ہیں۔
الیکشن کمیشن کے مطابق این اے 96 فیصل آباد سے بلال بدر کی کامیابی کا نوٹیفکیشن ضابطہ اخلاق کی خلاف ورزی کے باعث روک دیا گیا ہے۔
صوبائی اسمبلی پنجاب کی نشستوں پر کامیاب ہونے والے امیدواروں میں پی پی 73 سرگودھا سے میاں سلطان علی، پی پی 87 میانوالی سے علی حیدر نور، پی پی 98 فیصل آباد سے اعزاز علی تبسم، پی پی 115 فیصل آباد سے محمد طاہر پرویز، پی پی 116 فیصل آباد سے احمد شہریار، پی پی 203 ساہیوال سے محمد حنیف اور پی پی 269 مظفر گڑھ سے میاں علمدار عباس شامل ہیں۔
واضح رہے کہ کامیاب ہونے والے بارہ امیدواروں کا تعلق پاکستان مسلم لیگ (ن) سے ہے جبکہ ایک امیدوار پاکستان پیپلز پارٹی سے تعلق رکھتا ہے۔
تازہ ترین خبروں کے لیے پی این آئی کا فیس بک پیج فالو کریں
