وفاقی آئینی عدالت میں 27ویں آئینی ترمیم کو چیلنج کر دیا گیا ہے۔
شعیب گھمن ایڈووکیٹ نے ستائیسویں آئینی ترمیم اور مسلح افواج کے قوانین میں کی گئی ترمیموں کے خلاف درخواست دائر کی ہے۔ درخواست میں مؤقف اختیار کیا گیا ہے کہ ستائیسویں آئینی ترمیم بدنیتی پر مبنی ہے اور اسے کالعدم قرار دیا جائے۔
درخواست گزار کا کہنا ہے کہ یہ ترمیم عوامی مفاد میں نہیں کی گئی۔ درخواست کے مطابق، اس ترمیم کا ملک میں زیر التوا عام سائلین کے 25 لاکھ مقدمات سے کوئی تعلق نہیں ہے اور متوازی نظام انصاف عوام کے مفاد میں نہیں ہے۔
درخواست میں وفاقی حکومت، اسپیکر قومی اسمبلی اور چیئرمین سینیٹ کو فریق بنایا گیا ہے۔ عدالت نے اس معاملے پر مزید کارروائی کا فیصلہ کرنا ہے۔
تازہ ترین خبروں کے لیے پی این آئی کا فیس بک پیج فالو کریں
