ڈسٹرکٹ اینڈ سیشن کورٹ نے 9 مئی سمیت دیگر مقدمات میں عمران خان اور بشریٰ بی بی کی ضمانت میں توسیع کر دی ہے۔ اسلام آباد کے ایڈیشنل ڈسٹرکٹ اینڈ سیشن جج محمد افضل مجوکہ نے بانی پی ٹی آئی کے خلاف 9 مئی اور دیگر 5 کیسز کی سماعت کی۔
سماعت کے دوران عمران خان کی عدم دستیابی کے باعث ضمانت کی درخواستوں پر دلائل نہ ہو سکے، جس پر عدالت نے ہدایت کی کہ اگلی سماعت میں عمران خان کو عدالت میں یا ویڈیو لنک کے ذریعے پیش کیا جائے۔
عدالت نے سماعت کے بعد عمران خان اور بشریٰ بی بی کی ضمانت قبل از گرفتاری میں توسیع کرتے ہوئے دونوں کی گرفتاری پر 23 دسمبر تک پابندی لگا دی۔ بعد ازاں عدالت نے ضمانت کی درخواستوں پر سماعت بھی 23 دسمبر تک ملتوی کر دی۔
عمران خان کے خلاف 9 مئی کے واقعات، اقدامِ قتل، جعلی رسیدوں سمیت دیگر مقدمات درج ہیں جبکہ بشریٰ بی بی پر مبینہ طور پر جعلی رسیدیں جمع کروانے کا مقدمہ قائم ہے۔
تازہ ترین خبروں کے لیے پی این آئی کا فیس بک پیج فالو کریں
