ایران نے ایک بار پھر اپنی جوہری تنصیبات کی تعمیر کا اعلان کر دیا ہے۔ ایرانی صدر مسعود پزشکیان نے ایٹمی توانائی ادارے کے دورے کے دوران کہا کہ ایران کی جوہری تنصیبات پہلے سے زیادہ مضبوط بنائی جائیں گی۔ انہوں نے واضح کیا کہ ایران کا جوہری ہتھیار حاصل کرنے کا نہ پہلے کوئی ارادہ تھا اور نہ اب ہے۔
دورے کے موقع پر ایرانی صدر کو جوہری تنصیبات کی موجودہ صورتحال پر تفصیلی بریفنگ دی گئی۔ مسعود پزشکیان نے کہا کہ اگر عمارتیں تباہ بھی کر دی جائیں تو ہم پیچھے نہیں ہٹیں گے، کیونکہ ہمارے سائنس دانوں کے پاس تمام ضروری علم اور مہارت موجود ہے۔
ایرانی حکومت کی ترجمان فاطمہ مہاجرانی نے تصدیق کی کہ ایران کو جوہری پروگرام پر مذاکرات کی بحالی کا پیغام موصول ہوا ہے، تاہم انہوں نے یہ نہیں بتایا کہ یہ پیغام کہاں سے آیا ہے۔
یاد رہے کہ رواں سال جون میں اسرائیل نے ایران کے خلاف شدید بمباری مہم شروع کی تھی جس کے نتیجے میں 12 روزہ جنگ چھڑ گئی تھی۔ اس دوران اسرائیلی حملوں میں ایران کی جوہری اور عسکری تنصیبات کے ساتھ رہائشی علاقے بھی نشانہ بنے اور متعدد اعلیٰ سطحی سائنس دان ہلاک ہو گئے تھے۔
تازہ ترین خبروں کے لیے پی این آئی کا فیس بک پیج فالو کریں
