راولپنڈی: علیمہ خان اور اُن کے وکلاء ایک بار پھر انسدادِ دہشت گردی عدالت راولپنڈی میں پیش نہ ہوئے۔ 26 نومبر کے احتجاج سے متعلق مقدمے کی سماعت کے دوران عدالت نے علیمہ خان کی غیرحاضری پر چھٹی مرتبہ ناقابلِ ضمانت وارنٹِ گرفتاری جاری کر دیے۔
سماعت کے دوران دیگر 10 ملزمان اور استغاثہ کے گواہان عدالت میں موجود تھے۔ نادرا نے اپنی رپورٹ میں بتایا کہ علیمہ خان کے پاسپورٹ اور شناختی کارڈ کو بلاک کر دیا گیا ہے۔ علاوہ ازیں، احتجاج کے دوران ضبط کی گئی گاڑی کی سپرداری لینے والے ملزم عارف خان مچلکے پیش کرنے میں ناکام رہے، جس پر عدالت نے انہیں جیل بھیجنے کا حکم دے دیا۔
تازہ ترین خبروں کے لیے پی این آئی کا فیس بک پیج فالو کریں
