راولپنڈی کی انسدادِ دہشت گردی عدالت نے 9 مئی جی ایچ کیو حملہ کیس میں بانی پی ٹی آئی عمران خان کی ٹرائل روکنے کی درخواست مسترد کر دی۔
عدالت نے کیس کی سماعت 30 ستمبر تک ملتوی کرتے ہوئے 8 گواہان کو دوبارہ طلب کرنے کی درخواست پر پراسیکیوشن کو نوٹس جاری کر دیا۔ سماعت کے دوران استغاثہ کے تین گواہان، ڈی ایس پی اکبر عباس، انسپکٹر عصمت کمال اور انسپکٹر تہذیب الحسن کے بیانات بھی ریکارڈ کیے گئے۔ عمران خان کی قانونی ٹیم نے مؤقف اپنایا تھا کہ ویڈیو لنک ٹرائل پر لاہور ہائی کورٹ راولپنڈی بینچ کا فیصلہ آنے تک ٹرائل روکا جائے، تاہم عدالت نے یہ درخواست خارج کر دی۔
تازہ ترین خبروں کے لیے پی این آئی کا فیس بک پیج فالو کریں
