یومِ آزادی کے موقع پر پاکستان مونومنٹ اسلام آباد میں پرچم کشائی کی پروقار تقریب منعقد ہوئی، جس میں وزیرِ اعظم شہباز شریف نے قومی پرچم لہرایا۔
تقریب میں وفاقی وزراء، سرکاری شخصیات اور اسکولوں کے بچوں کی بڑی تعداد شریک ہوئی۔ ثقافتی لباس زیب تن کیے ننھے بچوں نے وزیرِ اعظم کا پرجوش استقبال کیا اور انہیں پھول پیش کیے۔ اس موقع پر قومی ترانہ ملی جوش و جذبے کے ساتھ پڑھا گیا جبکہ وزیرِ اعظم شہباز شریف نے ملک کی سلامتی، ترقی اور خوشحالی کے لیے خصوصی دعا کی اور یادگارِ پاکستان پر پھول رکھے۔
تازہ ترین خبروں کے لیے پی این آئی کا فیس بک پیج فالو کریں
