لاہور کی انسداد دہشت گردی عدالت نے 9 مئی کے دو مقدمات میں پاکستان تحریک انصاف (پی ٹی آئی) کے رہنما شاہ محمود قریشی کو بری کرتے ہوئے جیل سپرنٹنڈنٹ کو ان کی رہائی کا حکم جاری کردیا۔ عدالت نے واضح کیا کہ اگر وہ کسی اور مقدمے میں مطلوب نہیں ہیں تو انہیں فوراً رہا کیا جائے۔
دوسری جانب، اسی عدالت نے 9 مئی کے کیسز میں پی ٹی آئی رہنماؤں محمود الرشید، اعجاز چوہدری، یاسمین راشد اور عمر سرفراز چیمہ کی جائیدادیں ضبط کرنے کا حکم دیتے ہوئے انہیں 10، 10 سال قید اور 6 لاکھ روپے جرمانے کی سزا سنائی۔ جرمانہ ادا نہ کرنے کی صورت میں مزید قید بھگتنا ہوگی۔ تھانہ شادمان کو آگ لگانے کے کیس میں عالیہ حمزہ اور صنم جاوید کو 5، 5 سال قید کی سزا سنائی گئی ہے۔
تازہ ترین خبروں کے لیے پی این آئی کا فیس بک پیج فالو کریں
