نااہلی کے بعد عمران خان کو ایک اور جھٹکا، اسلام آباد ہائیکورٹ نے بھی کپتان پر بجلیاں گرا دیں

اسلام آباد (پی این آئی)عمران خان کی نااہلی کے خلاف درخواست پر سماعت آج ہی مقرر کرنے کی درخواست پر اعتراض عائد کردیا گیا۔عمران خان کی درخواست پر اسلام آباد ہائیکورٹ کے اسسٹنٹ رجسٹرار اسد خان نے اعتراضات عائد کیے۔اسلام آباد ہائی کورٹ کے رجسٹرار آفس کا کہنا ہے کہ اس کیس میں کوئی جلدی نہیں جو آج ہی سننا ضروری ہے۔واضح رہے کہ پاکستان تحریک انصاف کے چیئرمین عمران خان نے الیکشن کمیشن کے نااہلی کے فیصلے کو چیلنج کر دیا ہے

اسلام آباد ہائی کورٹ میں عمران خان کی جانب سے بیرسٹر علی ظفر نے الیکشن کمیشن کے فیصلے کے خلاف درخواست دائر کی۔درخواست میں الیکشن کمیشن کا فیصلہ کالعدم قرار دینے کی استدعا کی گئی ہے۔دوسری جانب ترجمان الیکشن کمیشن نے کہا ہے کہ چیف الیکشن کمشنر سکندر سلطان راجہ کا کوئی سوشل میڈیا اکائونٹ نہیں ہے۔ترجمان الیکشن کمیشن کی جانب سے جاری بیان میں کہا گیا کہ فیک سوشل میڈیا اکائونٹ پر یقین نہ کریں کیونکہ چیف الیکشن کمشنر کا سوشل میڈیا پر

کوئی اکائونٹ نہیں ہے۔ترجمان الیکشن کمیشن کے مطابق چیف الیکشن کمشنرکے نام کا اکائونٹ بناکر جھوٹ اور پروپیگنڈہ پھیلایا جا رہا ہے، یہ سب جعلی اکائونٹس ہیں۔یاد رہے کہ گزشتہ روز چیف الیکشن کمشنر سکندر سلطان راجہ نے چیئرمین تحریک انصاف عمران خان کے خلاف توشہ خانہ کیس کا فیصلہ سناتے ہوئے انہیں 5 سال کیلئے نااہل قرار دیا تھا۔پاکستان تحریک انصاف کی جانب سے چیف الیکشن کمشنر کے فیصلے کی شدید الفاظ میں مذمت کرتے ہوئے انہیں قائد مسلم لیگ ن نواز شریف کے گھر کا ملازم قرار دیا گیا۔