آرمی چیف کو لوگوں نے بیت اللہ شریف میں دیکھا تو کیا کیا؟ ویڈیو منظر عام پر آگئی

مکہ مکرمہ(پی این آئی) پاک فوج کے سربراہ جنرل قمر جاوید باجوہ ان دنوں سعودی عرب میں موجود ہیںجہاں انہیں فریضہ حج کی ادائیگی کی سعادت بھی نصیب ہوئی، بیت اللہ میں حجاج کرام کی طرف سے آرمی چیف کے لیے والہانہ محبت کا اظہار دیکھنے کو ملا اور سیلفیاں لیتے رہے جس کی ویڈیو بھی سامنے آگئی ہے ۔

ہر سال حج بیت اللہ کے لئے دنیا کے کونے کونے سے مسلمان کھنچے کھنچے بیت اللہ کی جانب چلے آتے ہیں یہ وہ ایمانی کشش ہے جسے اسلام کے پانچویں رکن حج کے نام سے یاد کیا جاتا ہے۔ہم چیف آرمی سٹاف جنرل قمر جاوید باجوہ صاحب کو حج کی سعادت حاصل کرنے پر مبارک باد پیش کرتے ہیں
#behindyoubajwa pic.twitter.com/QZJNY2aoXv

— Nabeel Choudhry (@NabeelChoudhr14) July 11, 2022

بوڑھی خاتون کیساتھ موجود ایک نوجوان نے انہیں سیلفی کی درخواست کی تو آرمی چیف نے بھی انکار نہیں کیا اور پھر درخواست کی کہ ’ پاکستان کے لیے دعا کریں‘۔راہ چلتے بھی نوجوان ان کیساتھ سیلفیاں لیتے رہے، سیلفی لینے والے ایک مداح سے جنرل باجوہ نے استفسار کیا کہ آپ کہاں سے ہیں؟ جس پر اس نے بتایا کہ ’اسلام آباد سے‘۔اسی طرح ایک اور ویڈیو میں بھی راہ چلتے جنرل باجوہ کو دیکھا جاسکتا ہے جہاں دونوں اطراف سے لوگوں کو سیلفیاں لیتے دیکھا گیا۔ ساتھ ہی عربی میں بتایا گیا کہ ” سارے پاکستانی ہیں، کوئی مشکل نہیں”۔ اس موقع پر بھی جنرل باجوہ کو یہ کہتے ہوئے سنا گیا کہ ” پاکستان کے لیے دعا کریں”، کسی نے دعا دی کہ اللہ آپ کو لمبی زندگی دے تو انہوں نے دوبارہ اپنا جملہ دہرایا کہ “پاکستان کے لیے دعا کریں”۔پھر آگے بڑھ گئے۔