لاہور (پی این آئی ) حکومت نے مشروط الیکشن کا اعلان کر دیا۔ وفاقی وزیر اطلاعات سینیٹر شبلی فراز کا کہنا ہے کہ اپوزیشن والے اگر استعفی دیں گے تو دوبارہ الیکشن کرا دیں گے۔ استعفے دینا آسان بات نہیں ہے، اپوزیشن میں اتنی اخلاقیات نہیں کہ استعفے دے۔ اگر یہ استعفی دیں گے ہمیں کوئی پرواہ نہیں دوبارہ الیکشن کرادیں گے۔نجی ٹی وی دنیا نیوز کے پروگرام گفتگو کرتے ہوئے شبلی فراز کا کہنا تھا کہ پی ڈی ایم کی تین جماعتوں پرکرپشن کے سیریس الزامات ہیں۔وفاقی وزیر اطلاعات کا کہنا تھا کہ تحریک انصاف لوٹ مارکادورختم کرکے اقتدارمیں آئی۔
حکومت نے مشروط الیکشن کا اعلان کر دیا، اپوزیشن نے ملک کولوٹا۔ احتساب کے خوف نے سب کو اکٹھاکر دیا ہے
اپوزیشن کے پاس اخلاقی جوازنہ عوام کی سپورٹ ہے۔ اپوزیشن حکومت کوانڈرپریشرلانے میں ناکام رہی۔انہوں نے بات کو جاری رکھتے ہوئے کہا۔ کہ سابق وزیراعظم اور لیگی رہنما شاہدخاقان عباسی جہاں ہارگئے وہ الیکشن ٹھیک نہیں۔لاہورسے جیت گئےتوالیکشن ٹھیک،یہ منافقت کررہے ہیں۔شبلی فراز کا مزید کہنا تھا کہ اپوزیشن نے ملک کولوٹا۔ احتساب کے خوف نے سب کو اکٹھاکر دیا ہے۔ ہم لوگوں کواحتیاط، اپوزیشن لوگوں سے جلسے میں آنے کی باتیں کررہی ہے۔ دوسال یہ خاموش رہے اب کیا چیزہوگئی ہے۔ ان کوآئین تب یاد آتا ہے جب اقتدارنہیں ملتا، ان کوآئین تب یاد آتا ہے جب کوئی پیچھے نہیں ہوت۔
۔وفاقی وزیر اطلاعات کا کہنا تھا کہ پی ڈی ایم سربراہ مولانا فضل الرحمان، لیگی رہنما رانا ثنا اللہ کورونا بارے مضحکہ خیزباتیں کررہے ہیں، پہلی لہرمیں ایسی باتیں نہیں ہورہی تھیں۔اپوزیشن پارٹیاں عوام دشمن پالیسی پرعمل پیرا ہے۔ کورونا نہ ہوتا توہمیں ان کے جلسوں کی پرواہ نہ ہوتی، صبح اپنا ٹیسٹ کروایا ہے مجھے خدشہ ہے مجھے بھی کورونا ہوگیا ہے۔ان کا کہنا تھا کہ تحریک انصاف اپنے راستے پرگامزن ہے۔اپوزیشن کوناکامی ہوگی،11 پارٹی کا جتھا عوام کی صحت اورملک کوخطرے میں ڈال رہا ہے، عام حالات نہیں جلسوں سے عوام کی جانوں کا خطرہ ہے۔
