اسلام آباد (پی این آئی)آرمی چیف جنرل قمر جاوید باجوہ کی وزیر اعظم عمران خان سے ملاقات، اہم امور زیر غور آئے، وزیر اعظم عمران خان سے چیف آف آرمی اسٹاف جنرل قمر جاوید باجوہ نے آج اسلام آباد میں ملاقات کی۔ملاقات میں پاک فوج سے متعلق پیشہ ورانہ امور ، داخلی اور خارجی سلامتی کی صورتحال پر
تبادلہ خیال کیا گیا۔پاکستان میں تشدد کو روکنے کے لئے حالیہ کوششوں کو مدنظر رکھتے ہوئے ، وزیر اعظم نے عزم کیا کہ پوری قوم دشمن کی بزدلانہ کارروائیوں کے خلاف متحد ہے۔وزیر اعظم نے مادر وطن کے دفاع کے لئے اپنی جانوں کا نذرانہ پیش کرنے والے پاک فوج ، ایف سی اور قانون نافذ کرنے والے اداروں کے اہلکاروں کو خراج تحسین پیش کیا۔
تازہ ترین خبروں کے لیے پی این آئی کا فیس بک پیج فالو کریں
