اسلام آباد(پی این آئی)وزیراعظم نے کراچی کے صارفین کے لیے بجلی مہنگی کرنے کا فیصلہ مؤخر کر دیا، لوڈ شیڈنگ کے خاتمے کے لیے کے الیکٹرک کو نیشنل گرڈ سے بجلی دی جائے، حکم دے دیا۔وزیراعظم عمران خان نے کراچی میں لوڈشیڈنگ کے خاتمے کے لیے ہنگامی اقدامات کی ہدایت کی ہے۔وزیراعظم کی
زیرصدارت کابینہ کمیٹی برائے توانائی کا اجلاس ہوا جس میں وزیراعظم کو کے الیکٹرک سے متعلق تفصیلی بریفنگ میں بتایا گیا کہ وفاقی حکومت نے نیشنل گرڈ سے اضافی بجلی کی پیشکش کی ہے، کے الیکٹرک کا سسٹم 720 میگا واٹ سے زائد بجلی نہیں لے سکتا جب کہ کے الیکٹرک کو 4500 ٹن فرنس آئل فراہم کیا اور مزید 500 ٹن کی پیشکش کی ہے۔اجلاس میں کے الیکٹرک اور حکومت کے درمیان معاہدے پر نظرثانی پر بھی غور کیا گیا جب کہ وزیراعظم نے کراچی میں لوڈشیڈنگ کے خاتمے کے لیے ہنگامی اقدامات کی ہدایت کرتے ہوئے کہا کہ کے الیکٹرک کے مسائل حل ہونے تک کراچی کو نیشنل گرڈ سے بجلی دی جائے۔ذرائع کے مطابق وزیراعظم نے کراچی کے صارفین کے لیے بجلی مہنگی کرنے کا فیصلہ موخر کرنے کی ہدایت کی جس پر وفاقی وزیر امین الحق نے ٹیرف بڑھانے کے فیصلہ موخر کرنے پر وزیراعظم کا شکریہ بھی ادا کیا۔۔۔۔۔۔۔۔۔۔۔۔
تازہ ترین خبروں کے لیے پی این آئی کا فیس بک پیج فالو کریں
