کراچی(پی این آئی):عوام کو کچلنے کے لیے مہنگائی کا ایک اور ریلا ، چکی آٹے کی قیمت 5 روپے بڑھا کر 65 روپے فی کلو ہو گئی ،ریٹیل میں سپر فائن آٹا کی قیمت 60 روپے فی کلو تک پہنچانے کی تیاری، گندم کی ذخیرہ اندوزی اور منافع خوری عروج پر پہنچ گئی ہے، اوپن مارکیٹ میں گندم کی 50 کلو بوری کی ہول سیل
قیمت 3400 سے بڑھ کر4500روپے پر پہنچ گئی۔مارکیٹ میں 50کلوگندم پر1100روپے کا اضافہ ہوگیا، فلور ملز مالکان نے فائن آٹے کی قیمت مزید بڑھا دی ہے،ڈھائی نمبر آٹا2100روپے سے بڑھ کر 2400روپے تک پہنچ گیا،دوماہ میں ڈھائی نمبر آٹے کی قیمت میں1100روپے کا ضافہ ہوا ہے۔ریٹیل گراسرز گروپ کے جنرل سیکریٹری فرید قریشی کے مطابق فلورملوں سے دکاندار کو48روپے میں فائن آٹا دستیاب ہوا تو خوردہ سطح پر 55روپے فی کلو فروخت ہورہا ہے، فلور ملوں نے50کلومیدہ اور سپر فائن آٹا 2300 بڑھا کر2700روپے پر پہنچا دیا ہے،ملوں نے ڈھائی نمبر آٹا 42 سے بڑھا کر48روپے تک پہنچا دیا ہے ریٹیل مارکیٹ میں ڈھائی نمبر آٹا55روپے فی کلو ہوچکا ہے ،چکی مالکان نے بھی آٹے کی قیمت 5 روپے بڑھا کر65روپے فی کلوکردی ہے،ریٹیل مارکیٹ میں میدہ اور سپر فائن آٹا کی قیمت 60 روپے فی کلو تک پہنچانے کی تیاری کرلی گئی، مارکیٹ میں فائن آٹا اور میدہ کے فی کلو گرام نرخ 6 روپے بڑھا دیے گئے ہیں۔
تازہ ترین خبروں کے لیے پی این آئی کا فیس بک پیج فالو کریں
