پاکستان ٹیلی کمیونیکیشن اتھارٹی (پی ٹی اے) نے اعلان کیا ہے کہ پاکستان میں نیکسٹ جنریشن موبائل سروسز (این جی ایم ایس) یعنی فائیو جی کی اسپیکٹرم نیلامی 10 مارچ 2026 کو ہوگی۔ نیلامی کا حتمی شیڈول ریگولیٹری ہم آہنگی اور اسٹیک ہولڈرز سے وسیع مشاورت کے بعد طے کیا گیا ہے تاکہ یہ عمل شفاف، ہموار اور بھرپور شرکت کے ساتھ ممکن بنایا جا سکے۔
یہ شیڈول ٹیلی کام آپریٹروں اور ممکنہ بولی دہندگان کو مناسب تیاری کا موقع فراہم کرے گا اور اس بات کی عکاسی کرتا ہے کہ پی ٹی اے نیلامی کے عمل میں وسیع تر شرکت اور ریگولیٹری تقاضوں سے مکمل ہم آہنگی کو یقینی بنانے کے لیے پرعزم ہے۔ اقتصادی رابطہ کمیٹی نے فائیو جی اسپیکٹرم نیلامی کی منظوری بھی دے دی ہے۔ تمام دلچسپی رکھنے والوں کو ہدایت کی گئی ہے کہ وہ این جی ایم ایس/5G اسپیکٹرم کی نیلامی کے حوالے سے انفارمیشن میمورنڈم (IM) کا مطالعہ کریں اور پی ٹی اے کی ویب سائٹ پر جاری کردہ تازہ ترین معلومات سے آگاہ رہیں۔
تازہ ترین خبروں کے لیے پی این آئی کا فیس بک پیج فالو کریں
