میٹا کا انسانوں کو بڑا چیلنج

میٹا نے آرٹی فیشل انٹیلی جنس کی دنیا میں تہلکہ خیز ایجاد کر کے انسانیت کو بڑی مشکل میں ڈال دیا ہے، سوشل میڈیا جائنٹ کمپنی اب روبوٹ انسان تیار کرے گی۔

برطانوی ادارے بلومبرگ کی رپورٹ کے مطابق میٹا نے اے آئی کی دنیا میں نئی تاریخ رقم کرنے کیلئے پہلا قدم اٹھا لیا ہے، میٹا اس سے قبل ورچوئل رئیلٹی ہیڈ سیٹس اور اسمارٹ گلاسز بھی تیار کر چکا ہے مگر اب یہ کمپنی گھریلو کاموں میں مدد فراہم کرنے والے روبوٹس تیار کرنا چاہتی ہے۔

رپورٹ میں مزید بتایا گیا ہے کہ میٹا کی جانب سے روبوٹ تیار کرنے والی کمپنیوں جیسے فگر اے آئی اور دیگر سے بات چیت کا سلسلہ شروع کر دیا گیا ہے تاکہ ان کو سافٹ وئیر، سنسرز اور کمپیوٹنگ پیکجز فراہم کیے جائیں جو میٹا رئیلٹی لیبز نے تیار کیے ہیں۔

میٹا کا یہ ڈویژن روبوٹکس سیفٹی اسٹینڈرڈ کی تیاری پر بھی توجہ مرکوز کرے گا، میٹا کے سی ٹی او اینڈریو بوسورتھ نے کمپنی کے ایک اندرونی میمو میں لکھا کہ رئیلٹی لیبز اور اے آئی کے شعبے میں ہم جو سرمایہ کاری اور پیشرفت کر رہے ہیں، اسے روبوٹیکس کے شعبے میں آگے بڑھنے کے لیے استعمال کیا جاتا ہے۔